DATU MITA IMITÁNEA 18:1 - Alkitab Singog In Mongondow Masa In Tanaa

¹ Naonda in diá noonggot kon tua, kon taong nogintoḷu kon tungkuḷ in poninggai, ki Tuhan noguman kon i Elia, “Bayádon kon tayowon i Datu Ahab, diádon moonggot poonag-Kudon in uyan.”

DATU MITA IMITÁNEA 18:1 Mawu Ofanana

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

DATU MITA IMITÁNEA 17:15

Bo minayádon in boba-bobay tatua nogaid kon onu inta pinoguman i Elia. Dá umurandon oyúon in kaanon nayatoḷu muḷoi in singgai.

DATU MITA IMITÁNEA 17:7

Naonda in noḻin onggotdon nongkon tua, noingkag domandon in tapá tatua sin diádon nonguya-nguyan.

DATU MITA IMITÁNEA 18:2

Dá nobuatdon in ki Elia. Kon dodai intua malarat in kaanon motoyangdon totok in kon Samaria.

DATU MITA IMITÁNEA 8:36

igumon mako in nongkon soroga in Iko moibogpa mokidongog kon i monia. Bo ampungaipa kaasí in dosa in umat-Mu Israel bo in datu monia. Tundúdon in mosia momia kon onu inta moitutui. Mopaḷut mako kon tua, o Tuhan, popoangoidon in uyan kon butá-Mu tanaa, butá inta inogoi-Mu kon umat-Mu sin mobaḻí kapunyaan monia mononoi.

YESAYA 5:6

Pomayá-Kubí mako in sia in kobiagan in bonok. Pangkoi in anggurnea diábí rapadan-Ku, bo diábí tuyangan-Ku. Modapotbí in pomayá-Ku mako kokoḷoban in mainggoa bo bonok, nodapot in goḷom mita diá ogoi-Ku mopoḷabú in uyan kon tudunea.”

YEREMIA 10:13

Pinodoyon kon parenta, nomungkaurdon in tubig kon toḷungayá. Nongkon popod mita in dunia pinoangoi-Nea in goḷom, bo binaḻí-Nea in kilat nonindar kon bonu in uyan, bo pinotabá-Neadon mangoi in tompot nongkon tampat pototagúan-Nea.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YOËL 2:23

Ei rayat in Sion, koḷungangadon in gina! Kosanangdon in gina bo porogiowdon! popisí in bayongan in inta mopia nongkon i Tuhan Allahmu. Kon sempo in pononotak inogoiannea in uyan inta tugat kon inimu. Kon sempo in tumping uyan pinoonag-Nea, ná doman tua in kon sempo in pononubú ná dungkuḷmai.

IMAMAT 26:4

yo ogoian-Ku in uyan moiko kon wakutunea, dá butá mobogoidon in boyó bo pangkoi mita in ayop momungaidon.

AMOS 4:7

Diá pinoonag-Ku in uyan kon tungkuḷ in pinomuḷamu moparaḷudon kon tubig. Akuoi in nopoonag in uyan kon kotá tobatú bo diábí in kon kotá ibanea. Gobá tobatú in inonag in uyan, táe gobá ibanea in noingkag.

LUKAS 4:25

Táe indongogai in singog-Ku naa: kon tungkuḷ i Nabi Elia, wakutu in kinodaitan kaanon sin toḷudon notaong kapin in diá nonguya-nguyan. Wakutu intua noantó in dongkadon boba-bobay kon Israel.

ULANGAN 28:12

Ki Tuhan in mopoangoibí in uyan kon wakutunea nongkon tampat pinotagúan-Nea inta mobayong totok kon ḷangit. Sia in momarakatbí kon bayongan totayakmu, dá moiko in motaaudon mopoḷuan kon mobayong in bangusa, táe moiko tontaní in diá bidon paraḷu moḷuan.

YAKOBUS 5:17

Ki Elia in tumpaḷa doman intau ná kita naa. Sia in nosambayang totu-totuu nopoigum sinbá diá monguyan-nguyan, dá diá doman nonguyan-nguyan kon bonu in toḷu notaong bo tobotak.

WAHYU 11:2

Táe donaaidon ukuron in palas kon dotá in ḷuai Baḷoi i Allah tatua, sin tua in inogoi bidon kon intau mita inta diá nonotaau kon i Tuhan. Mosia in mamangoi morita-ritak mako kon kotá motusi tatua kon bonu in opat nopuḷú bodoyowá nobuḷan.

WAHYU 11:6

Oyúon in kawasa monia mogoḻingoi kon ḷangit sinbá diápa monguyan kon dodai in mosia mopotaau in Habar nongkon i Allah. Mosia inogoian doman in kawasa mongawasa kon bayongan bokaká sinbá mosia in motaau momaḷui kon tubig mobaḻí dugú; bo oyúon doman in kawasa monia mosambok kon butá naa takin mopoḷabú in bayongan inta mokororiga, toonukabí in koibog monia.