DATU MITA IMITÁNEA 17:6 - Alkitab Singog In Mongondow Masa In Tanaa

⁶ Nonginum in sia nongkon tubig in tapá tatua, bo nokaan kon roti bo ponoyá inta dinia in ḷagapan kawag muḷoi in doḷo-doḷom bo ḷoḷabungnea.

DATU MITA IMITÁNEA 17:6 Mawu Ofanana

LUKAS 22:35

Nopaḷut mako nosingog kon tua, Sia in noguman kon i monia, “Tungkuḷ in pinotabá-Ku in moiko bo diá-Ku inogoi nodia kon dompet, botutu andeka sapatu, yo degá nokoimontanmai in moiko in kinodaitan in onu bo onu?” “Dia!” tubag monia.

MATIUS 19:26

Ki Yesus inimindoi kon i monia bo nosingog, “Aka podudui in raian intau yo tua in mororigabí aidan! Táe aka kon i Allah, yo mogampangbí totok intua.”

YEREMIA 37:21

Dá ki Datu Zedekia in nomarenta sinbá akuoi in ponjaraandon kon palas in komaḻig. Dá akuoi in nogutun kon tua, bo pomuḷoi in singgai akuoi ogoian in roti nongkon tampat pogogaidan kon roti nodapot in tongkaaḷ in roti kon kotá tatua nodaitdon komintan.

YESAYA 33:16

Dá moiko in kosiunganbí takin moaman, naonda bo kon bonu in poḷoḷukadan inta moropot. Kaanon bo inumon in sadiaanbí kon inimu.

MAZMUR 37:19

Kon tungkuḷ in mororiga, diábí moajar in mosia, kon dodai in malarat in kaanon yo mosia in diábí kodaitan.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

HAKIM MITA 14:14

Dá ki Simson noguman, “Nongkon inta nokaan, ḷumuai inta kinaan; nongkon inta moropot, ḷumuai inta moromimit.” Naonda in noiḻiudon kon toḷu nosinggai diápa doman kinotaauan monia in mangaḻe in tangkí tatua.

PINOGIAPAN 11:23

Tubag i Tuhan, “Diábí in moiḻiu kon kawasa-Ku! Ḷagi bidon ontongonmu kon onu inta siningog-Ku tua in totu-totuubí kon mobaḻí andeka diá!”

YEREMIA 40:4

Tanaa in bukaankudon in pinoumantungan kon inimu bo iko in buḻiankudon. Aka moibog in iko, yo motaaubí in dumudui mayá in Babel, bo ḷukadankubí in iko. Táe aka doí, diábí doman nongonu. Kon sinangkub in butá tanaa mobebasbí in iko in mayábí in onda in koibogmu.”

IḶUAIAN 16:35

Manna tatua nobaḻí kaanon intau Israel kon bonu in opat nopuḷú notaong noiduduimai, nodapot in mosia noyaput kon Kanaan, tampat tobatú inta pinogutunan monia notantú. (

DATU MITA IMITÁNEA 17:5

Dinumudui in ki Elia kon parenta i Tuhan tatua, bo minayá in tapá in Kerit poḷat nogutun kon tua.

DATU MITA IMITÁNEA 17:7

Naonda in noḻin onggotdon nongkon tua, noingkag domandon in tapá tatua sin diádon nonguya-nguyan.

DATU MITA IMITÁNEA 13:28

Nouḻínea in mayat in nabi nongkon Yohuda tatua noiukatpa mako kon daḷan takin keledai bo singa in kon diugnea. Singa tatua in diábí nodomok kon keledai tatua, bo diábí doman nokaan kon mayat tatua.

DATU MITA IMITÁNEA 19:6

Ki Elia in nobobui magí mako, bo kinoontonganneadon kon oyúon in roti sinubá takin tampat in tubig inta kon bonu in tubig kon uḷuanneamai. Dá nongaan bo nonginumdon in sia, bo bui inumuḻid.

DATU MITA IMITÁNEA 19:8

Nobangon i ki Elia, poḷat nongaan bo nonginum. Dá noropotdon in sia bo nokobayádon in sia opat nopuḷú nosinggai in koonggotnea, minayá in Buḷud in Sinai, tampat inta pinoki pogontongan i Allah.

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.