DATU MITA IMITÁNEA 17:1 - Alkitab Singog In Mongondow Masa In Tanaa

¹ Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

DATU MITA IMITÁNEA 17:1 Mawu Ofanana

DATU MITA IMITÁNEA 17:12

Boba-bobay tatua notubag, “Pinodoyon kon i Tuhan inta nobiag, Allah inta sinumba i Amá, akuoi in mongibot kon diábí in roti kon inakó. Kon inakó in dongkadon topong torigu toyoyakup kon bonu in palo, bo ḷana in zaitun topilik kon botoḷ. Akuoi in yogot mosipun kon kayu pondungú tanaa sin podungúan kon bahan tongopilikpa tatua, sinbá akuoi bo ki adíku in mongaanpa. Dongkadon tua in imbuitnea in kaanon nami, bo mopaḷut mako kon tua mogoḷatdon mako in kami kon kopatoian.”

DATU MITA IMITÁNEA 17:2

Nopaḷut mako kon tua noguman in ki Tuhan kon i Elia,

DATU MITA IMITÁNEA 18:1

Naonda in diá noonggot kon tua, kon taong nogintoḷu kon tungkuḷ in poninggai, ki Tuhan noguman kon i Elia, “Bayádon kon tayowon i Datu Ahab, diádon moonggot poonag-Kudon in uyan.”

DATU MITA IMITÁNEA 18:10

Pinodoyon kon i Tuhan inta nobiag, ki Allah inta sinumba i Amá, akuoi in moponiata kon ki datu in nopotabádon kon inakó motayak kon i amá kon bayongan in tampat. Aka kon butá tobatú pongawasanea in moguman kon ki Amá in diá in kon tua, ki Ahab in monuntut sinbá pongawasa in butá tatua mongibot kon ki Amá in totuubí kon diá noyodungkuḷ kon tua.

DATU MITA IMITÁNEA 18:15

Ki Elia in notubag, “Pinodoyon kon i Tuhan Inta Totok in mokawasa inta inundoiku, akuoi in modandi kon mamangoibí tontaní kon tayowon i datu singgai in naa doman.”

DATU MITA IMITÁNEA 22:14

Táe ki Mikha in notubag, “Pinodoyon kon i Tuhan inta nobiag, akuoi in tongábí mopotaau kon onu inta pinotaau i Tuhan kon inakó!”

DATU MITA IMITÁNEA 8:35

Aka umat-Mu baradosaan kon ini-Mu bo hukumon-Mu in mosia pongin diá mobogoi in uyan bo mosia in mogogaidon in mogaid kon dosa bo mohoromatdon kon ini-Mu saḷaku Tuhan, onda intua tumayowdon kon baḷoi pososumbaan tanaa poḷat mosambayang kon ini-Mu,

DATU MITA 2 1:3

Táe malaekat i Tuhan in nopotabá kon i Elia, nabi nongkon Tisbe, minayá nokipodungkuḷ kon totabá mita i Datu Ahazia tatua sin moguman, “Eta degá kon Israel in diá in Allah modapot in moiko mayá mopoigum in totundú kon i Baal-Zebub, dewa in kotá in Ekron tatua?

DATU MITA 2 3:14

Ki Elisa in notubag, “Podoyon kon i Tuhan inta nobiag, inta inundoiku, pogumankudon kosilangon kon aka deeman popisí in ki Datu Yosapat inta ihoromatku, yo doíbí in akuoi mopandungmai kon i Tuang Datu.

DATU MITA 2 4:38

Kon wakutu tobatú nobaḻídon in bodito kinodaitan in kaanon kon bayongan in butá. Dá nobuidon in ki Elisa kon Gilgal. Naonda in sia motundúmai kon topaanan in nabi mita, nokigamá in sia kon bobantungnea in bejana moḷoben tobatú bo nodungú kon kaanon kon i monia.

DATU MITA 2 5:16

Tubag i Elisa, “Podoyon kon i Tuhan inta nobiag, inta inundoiku, diábí in akuoi motarima kon tombuinag onuka.” Ki Naaman in nomakisa sinbá moibog in ki Elisa kon onu in ogoinea tatua, táe doíbí in ki Elisa.

DATU MITA 2 5:20

ki Gehazi bobantung i Elisa, in norai, “Nongonu sin pinomayábí mako in sia in minayá takin diá noguboḻi? Sabanarnea in mustibí in ki tuangku motarima kon onu in ogoi in intau in Siria tatua! Podoyon kon i Tuhan inta nobiag, mustibí batukonku in sia bo moigum kon onu inta oyúon kon inia!”

TAWARIKH 2 21:12

Bo ki Yehoram in nokouḻí kon surat tobatú inta pinais i Nabi Elia kon wakutu in sia nobiagpa. Nanaa in tombonu in surat tatua, “Ki Tuhan, Allah inta sinumba i Daud mohukum kon i Tuang sin ki Tuang in diá dinumudui kon aid i amá bo i aki i Tuang.

TAWARIKH 2 6:26

Aka umat-Mu baradosaan kon ini-Mu bo hukumon-Mu in mosia pongin diá mopoangoi in uyan, bo mogogaidon in mosia in mogaid kon dosa monia bo mohoromat kon ini-Mu saḷaku Tuhan, onda intua tumayow kon baḷoi-Mu tanaa bo mosambayang kon ini-Mu,

AYUB 12:15

Sia in nodimpot kon tubig, dá noingkagdon komintan; Sia in nomukat, dá ḷunud in namuntag!

YESAYA 49:18

Indoiaidon bo bobuidon in kon ḻibumumai, rayatmu in nosipundon bo mamangoi kon inimu. Podoyon kon tangoi-Ku, Allah inta nobiag, Akuoi in moguman, Totuu, mopiabí in ginamu sin intau inta nogutun kon inimu, naonda bo nonikaan bobay mopia in ginanea popisí in ḷambánea.

YESAYA 5:6

Pomayá-Kubí mako in sia in kobiagan in bonok. Pangkoi in anggurnea diábí rapadan-Ku, bo diábí tuyangan-Ku. Modapotbí in pomayá-Ku mako kokoḷoban in mainggoa bo bonok, nodapot in goḷom mita diá ogoi-Ku mopoḷabú in uyan kon tudunea.”

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YEREMIA 15:19

Ki Tuhan in notubag, “Aka iko in mobui, yo takinan-Kubí in iko. Iko in mobaḻídon bui mogogundoi-Ku. Aka iko in mopotaau kon inta oyúon in mangaḻenea bo deeman uboḷ, dá iko in motaau mobaḻí nabi-Ku bui. Intau mita in buibí mamangoi kon inimu, bo diá bidon paraḷu in iko mayá kon i monia.

YEREMIA 28:8

Nabi mita inta noiuna kon inaton ain nonoḻindap kon poparangan, bodito, bo yampoi in takit in moiantug kon mobayong in bangusa bo dodatuan inta mongoropot.

HAGAI 1:10

Tuamai in uyan diádon moḷabú monag dá diádon in pinomuḷa in mobiag.

MATIUS 11:14

Bo aka moiko moibog mopirisaya, yo ki Yohanes tuata in ki Elia inta koangoiannea in pinotaaudon muna.

MATIUS 16:14

Tubag monia, “Oyúon in noguman ki Yohanes Mobobaptis. Oyúon doman in noguman ki Elia, bo oyúon in noguman ki Yeremia andeka tobatú nongkon nabi mita.”

MATIUS 27:47

Nokodongogmai kon tua intau mita inta sinimindog mako, noguman, “Sia in nokuuk kon i Elia!”

MATIUS 27:49

Táe intau mita ibanea in noguman, “Donaai, maníka bo indoian naton mongo ki Elia in mamangoi moposaḷamat kon i-Nia!”

MATIUS 7:29

Sin Sia in motundú takin kawasa, diá ná mototundú kon agama monia.

LUKAS 1:17

Sia in mobaḻí totabá i Tuhan inta moropot bo mokawasa ná ki Elia. Sia mopoyodame kon gina in guyanga bo adí, bo intau mita inta raian monia diá moitutui in potutuionnea bui. Tua in mangaḻenea kon sia in moposadia kon umat inta moibog dumudui kon parenta i Tuhan.”

LUKAS 1:19

Dá guman in malaekat tatua, “Akuoi naa in ki Gabriel inta nogundoi kon i Allah, bo ki Allah tontaní in nopotabá kon inakó mopoyaput in habar mopia tanaa kon inimu.

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

LUKAS 9:30

Daḻí doman bo inontong in intau doyowa, tuata in ki Musa bo ki Elia nokipogontong kon yuak in bayag inta nongkon soroga. Mosia nosirita takin i Yesus soaḷ kopopatoi-Nea inta diádon moonggot bo kobayáan-Nea kon Yerusalem.

LUKAS 9:33

Bo naonda in intau doyowa tatua nonaḷámai kon i Yesus, ki Petrus in noguman kon i Yesus, “Pak Guru, mopira totok kita in kon naa. Maníka mogaid in kami kon ḷoḷaigan toḷu, tobatú in kon i Pak Guru, tobatú kon i Musa, bo tobatú in kon i Elia.” (Onu in siningog i Petrus tatua diábí kinomangaḻeannea.)

LUKAS 9:54

Nokotaaumai kon natua in ki Yakobus bo ki Yohanes inta murí i Yesus, mosia in noḻibó nanaa, “Tuhan, moibog degá in ki Tuhan bá poigumon nami in tuḷu moḷabú nongkon ḷangit bo momutú kon i monia komintan?”

YOHANES 1:21

Dá bui iḻibó monia, “Aka natua, yo ki ine iko? Ki Elia degá iko?” Tubagnea: “Deeman”. “Tobatú nabi degá?” iḻibó bui monia. Táe ki Yohanes in notubag doman: “Deeman”.

YOHANES 1:25

noḻibó kon i Yohanes nanaa: “Aka iko deeman Datu Mopoposaḷamat, deeman ki Elia, bo deeman doman tobatú nabi, yo nongonu sin iko i mobaptisbí?”

OUMAN IN RASUL MITA 27:23

Sin kogobíi malaekat i Allah inta sinumbaku, ki Allah inta ki togi kon inakó in namangoi kon inakó.

SURAT I PAULUS KON JAMAAT RUM 11:2

Diábí! Ki Allah in diábí noḷumbú kon umat-Nea inta ain piniḻí-Nea muna-munamai. Bo kinotaauan bidon monimu utat mita in onu inta pinoguman kon bonu in Buk Motusi soaḷ ki Elia, wakutu in sia nopongadu kon i Allah soaḷ Israel. Ki Elia in noguman nanaa,

ULANGAN 10:8

Kon buḷud tatua Ki Tuhan nopotondí in suku Lewi sin moindoi bo monompia kon Poti Dodandian bo mogundoi kon i Tuhan, bo mosingog kon barakat podoyon kon tangoi-Nea. Tuata in oaidan monia modapot kon tanaa mako.

YAKOBUS 5:17

Ki Elia in tumpaḷa doman intau ná kita naa. Sia in nosambayang totu-totuu nopoigum sinbá diá monguyan-nguyan, dá diá doman nonguyan-nguyan kon bonu in toḷu notaong bo tobotak.

WAHYU 11:6

Oyúon in kawasa monia mogoḻingoi kon ḷangit sinbá diápa monguyan kon dodai in mosia mopotaau in Habar nongkon i Allah. Mosia inogoian doman in kawasa mongawasa kon bayongan bokaká sinbá mosia in motaau momaḷui kon tubig mobaḻí dugú; bo oyúon doman in kawasa monia mosambok kon butá naa takin mopoḷabú in bayongan inta mokororiga, toonukabí in koibog monia.

HAKIM MITA 12:4

Onda intua ki Yepta nosipun kon bayongan in intau in Gilead, bo nomarang poḷat nonaḷow kon intau in Epraim. (Intau in Gilead inta nogutun kon Epraim bo kon Manasye aindon pinoponapudan in intau in Epraim kon mosia in aindon sinumondí nongkon Epraim, sukunea.)