DATU MITA IMITÁNEA 15:4 - Alkitab Singog In Mongondow Masa In Tanaa

⁴ Táe, popisí in nonorop kon i Daud, dá ki Tuhan, Allah inta sinumba i Daud, ain nobogoi kon i Abiam in adí tobatú sin monoḻiu kon inia momarenta kon Yerusalem bo moḷukad kon kotá tatua.

DATU MITA IMITÁNEA 15:4 Mawu Ofanana

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 19:29

Natuata, tungkuḷ in ki Allah nomokak kon kotá mita tatua bo ḷopá inta pinogutunan i Lot, kinotoropan i Allah in ki Abraham bo sinuḷungan-Nea in ki Lot noḷagui.

KINOBAḺIAN 26:5

Akuoi in momarakatbí kon i monimu, sin ki Abraham ain dinumudui totu-totuu kon i-Nakó bo noḷukadon kon bayongan hukum bo parenta-Ku.”

SAMUEL 2 21:17

Táe ki Abisai adí i Zeruya in namangoi notuḷung kon i Daud. Sinayowannea in tuyá tatua bo iḻimodnea. Nopaḷut mako kon tua intau i Daud nopoigum sinbá ki Daud in modandidon kon diádon tumakin bui moparang. “Ki Tuang datu in nobaḻí harapan in Israel, dika modapot in kami kobuḻian i Tuang datu,” guman monia.

DATU MITA IMITÁNEA 11:12

Umpaka natua, popisí in ki amámu ki Daud, Diábí aidan-Ku intua kon dodai in iko mobiagpa. Kon tungkuḷ in ki adímu ḷoḷaki in momarenta, baintua bo aidan-Ku intua.

DATU MITA IMITÁNEA 11:32

Tongo suku in umuranbí moyotakin i Salomo, sin popisí in mogogundoi-Ku ki Daud, bo Yerusalem, inta ain piniḻí-Ku nongkon bayongan in butá Israel nobaḻí kotá-Ku.

DATU MITA IMITÁNEA 11:36

Tongá tongosuku in pomayá-Kubí mako kon inia, sinbá umuran oyúon in intau tobatú nongkon buí in mogogundoi-Ku ki Daud inta momarenta kon tayowon-Ku kon Yerusalem, kotá inta ain piniḻí nobaḻí tampat posumbaan kon i-Nakó.

TAWARIKH 2 21:7

táe ki Tuhan in doíbí momutú kon datu inta nongkon buí i Daud sin Sia in nodandidon kon buí i Daud in umuranbí momarenta.

MAZMUR 132:17

Kon naa buí i Daud tobatú in baḻíon-Kubí datu; pomomarentaannea in irigonan-Kubí.

MAZMUR 18:28

Intau inta moompá in gina pinosaḷamat-Mu, táe intau inta mokaḷakuang in pinotungkud-Mu.

MAZMUR 87:5

Kon i Sion singogon in intau nanaa, bayongan in bangusa in noituot kon inia, bo ki Inta Totok in Moḷantud in moporigondon kon inia.

YESAYA 14:32

Onu in potubag naton kon totabá mita inta namangoi nongkon bangusa in Pilistin? Kita in mopotaau kon i monia kon ki Tuhan ain noposindog in Sion, bo umat-Nea inta nororiga in ḷukadanbí kon tua.

YESAYA 37:35

Kotá in Yerusalem in duḷuan-Kubí bo ḷukadan-Ku sin kahoromatan-Ku tontaní bo popisí in dodandian-Ku takin i mogogundoi-Ku ki Daud.’ ”

YESAYA 62:7

Mosia in diábí motaau in mopomayá mako in Sia tongá kibio-biómai kon dodai in Sia diápa moposindog bui in Yerusalem bo mopobaḻí ponango-nangoian kon sinangkub in dunia.

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 33:2

inta nomaḻí kon butá bo nomia poḷat nogukat kon tampatnea. Sia in noguman,

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

LUKAS 2:32

sia naonda bo bayag inta nonimbayag kon daḷan in intau mita ibanea, sinbá mosia in mamangoi kon ini-Mu; tuata in bayag inta mobaḻí dodoyonan poduían kon umat-Mu Israel.”

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

SURAT I PAULUS KON JAMAAT RUM 11:28

Popisí intau Yahudi doí notarima kon Habar Mopia nongkon i Allah, dá mosia nobaḻí saturu i Allah; bo tua in nobaḻí bidon kauntungan i monimu inta deeman intau Yahudi. Táe lantaran mosia bo ain piniḻí i Allah, dá mosia in umuran kinotabi i Allah sin popisí in mogoguyang monia.

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”