DATU MITA IMITÁNEA 14:4 - Alkitab Singog In Mongondow Masa In Tanaa

⁴ Dá minayádon in ki buḷoi i Yerobeam kon baḷoi i Nabi Ahia kon Silo. Ki Nabi tatua in diádon mokoontong sin nogoguyangdon totok.

DATU MITA IMITÁNEA 14:4 Mawu Ofanana

DATU MITA IMITÁNEA 11:29

Kon singgai tobatú ki Yerobeam in iḻumuai nongkon Yerusalem. Kon daḷan kon tampat popokaanan in biag, sia in inangoi i Nabi Ahia nongkon Silo inta kon dodai intua nogi jubah mobagu.

SAMUEL 1 4:15

Kon dodai intua ki Eli umurdon siow nopuḷú bo waḷu notaong bo matanea in diádon mosilang.

SAMUEL 1 3:2

Kon doḷom tobatú, ki Eli inta totokdon in nogoguyang bo gogiódon nobilog, nosiug mako kon gopotnea,

MOHOHUTUBA 12:3

Kokaḷmu mourot bo diádon mokoḷukad. Sioḷmu inta motorindog in mourot diádon in ropot. Bagangmu in diádon motompod in pongokob kon kaanon. Matamu in moyambotdon dá mosindipdon in ontongon.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

DATU MITA IMITÁNEA 14:2

Noguman in ki Yerobeam kon i buḷoinea, “Posadiadon sin mayá in Silo kon baḷoi in Nabi Ahia inta koḻipod noguman kon akuoi in mobaḻí datu in Israel. Táe tumon intau ibanea sinbá diá kotaauan in intau mongo ki ine in iko.

YOSUA 18:1

Naonda in nopotungkud mako in butá inta pinodandi i Tuhan, bayongan umat in Israel noyosipun kon Silo, bo mosia noposindog in Ḷoḷaigan Koangoian i Tuhan.

ULANGAN 34:7

Ki Musa minatoi kon dodai in umur mogatut bo doyowa nopuḷú notaong. Ropotnea in diábí nogaat bo matanea umuranpabí doman motarang.

KINOBAḺIAN 48:10

Pooindoi i Yakub diádon mosilangmai sin ain mogoguyang bo matanea nobuḷoḷowdon. Ki Yusup in nopodiug kon i adínea mita tatua kon i Yakub, bo kinoyotannea in mosia poḷat inayokannea.

KINOBAḺIAN 27:1

Kon singgai tobatú kon tungkuḷ in ki Ishak nogoguyangdon bo nobilog domandon, inoinínea in ki Esau, ki adínea guya-guyang, bodongka noguman kon inia, “Adíku!” “Ya, Papa,” tubag i Esau.