DATU MITA IMITÁNEA 13:9 - Alkitab Singog In Mongondow Masa In Tanaa

⁹ Akuoi naa in nokouḻí kon parenta nongkon i Tuhan kon diábí motaau in mongaan andeka monginum, bo diábí doman mobui mongin daḷan inta binayáanku kon tungkuḷ in akuoi namangoi.”

DATU MITA IMITÁNEA 13:9 Mawu Ofanana

DATU MITA IMITÁNEA 13:1

Kon dodai intua oyúon in nabi tobatú kon Yohuda. Sia in pinotabá i Tuhan mayá in Betel. Nabi tatua noiyaput intua kon tungkuḷ in ki Yerobeam simindog mako kon tayowon in mezbah sin moposumba in kuruban.

DATU MITA IMITÁNEA 13:10

Bo minayádon in nabi tatua nongin daḷan ibanea.

DATU MITA IMITÁNEA 13:16

Táe nabi nongkon Yohuda tatua in notubag, “Ampungdon! Diábí in akuoi motaau motarima kon tongganut i Amá bo dumudui mayá in baḷoi i Amá. Akuoi in diábí doman mongaan andeka monginum kon naa moyotakin i Amá.

DATU MITA IMITÁNEA 13:19

Dá nabi inta nongkon Yohuda tatua dinumuduidon minayá in baḷoi in nabi nogoguyang tatua bo nongaan takinnea.

DATU MITA IMITÁNEA 13:8

Nabi tatua in notubag, “Umpakabí ogoi i tuang datu kon inakó in tongobotak in kaoyúonan i tuang datu, yo akuoi in doíbí mayá mongaan andeka monginum moyotakin i tuang datu.

AYUB 23:12

Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

MAZMUR 141:4

Poyayúdon in akuoi kon ibog mogaid kon inta moraat. Dikabí pomayá mako in akuoi in moyokapung in intau moromú bo mongaan moyotakin kon bobutungan monia.

PINOGIAPAN 16:26

Ki Musa noguman kon intau mita in Israel, “Ḷuaidon nongkon ḷoḷaigan in intau mita inta moraat tanaa bo dika doman moḻiai kon kapunyaan monia. Aka moiko doí dumudui, yo moiko in yopúon poyotakinon monia popisí in dosa mita monia.”

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

YOHANES 15:14

Moiko nion in yobayat-Ku mita, aka pomiaan monimu in onu inta pinarenta-Ku kon inimu.

SURAT I PAULUS KON JAMAAT RUM 16:17

Utatku mita! Indongogaipa in tongginaku tanaa: Mokopoingatdon kon intau mita inta moibog moropatoi kon jamaat bo inta mopotombauk in pirisaya intau kon i Tuhan. Sin soaḷ tatua in noyoposibí in inta ain sinundú kon i monimu. Dikadon moyobayat in intau mita natua!

KORINTUS 1 5:11

Makusudku in dikadon moiko moyobayat i intau inta nopirisayadon kon i Kristus, táe umuranpa moibog mogaid kon inta mokotor, bo moturá ande moibo-ibog dumudui kon parenta in berhala, bo inta umuran moibog moporomu-romúmai kon tangoi intau ibanea, bo umuran doman monginum kon inta mokoḷoḷangu bo monakow. Modapot in mongaan moyotakin monia tua yo dikabí!

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

WAHYU 18:4

Bo akuoi in nokodongog kon singog ibanea nongkon soroga noguman nanaa, “Ḷuaidon, umat-Ku! Ḷuaidon nongkon bonunea! Sinbá moiko in diádon dumudui mogaid kon dosanea mita, bo moitakin motanggung kon hukumannea!

SAMUEL 1 15:22

Táe ki Samuel in noguman, “Onda degá in koibog i Tuhan, kotoindudui andeka kuruban sosumba? Kotoinduduibí kon i Tuhan in mopia-pia nongkon moposumba in kuruban. Dumuduibí kon parenta-Nea in mopia-pia nongkon ḷongó in domba.