DATU MITA IMITÁNEA 13:7 - Alkitab Singog In Mongondow Masa In Tanaa

⁷ Onda intua ki datu in noguman kon i nabi tatua, “Koḻigai mongaanpa kon baḷoiku. Bain ogoianku in tombuinag in iko.”

DATU MITA IMITÁNEA 13:7 Mawu Ofanana

KINOBAḺIAN 18:5

Bain oḷudanku in kaanon tongáka naonda, sinbá tai Tuang in moropotdon bui bo buidon mongingguput kon bobayáan. Mobaḻí tobatú kahoromatan kon inakó aka tai tuang moibogpa mongandup kon baḷoi in bobantungmu naa.” Tubag monia, “Sukur moantó kon oaidmu inta mopia tua. Mongandupdon in kami.”

DATU MITA IMITÁNEA 14:3

Podiaaidon in sia kon roti mopuḷú, kukis topiḻik bo biluk tobotoḷ. Ḻibódon kon inia onu in mobaḻí kon i Abia, adí naton. Potaaubí in nabi tatua kon inimu.”

DATU MITA 2 5:15

Bo Nobuidon minayá in sia takin tumotakinnea kon i Elisa. “Tanaa in kinotaauankudon,” guman i Naaman kon i Elisa, “kon sinangkup in dunia tongábí tobatú in Allah, tuata in Allah inta sinumba in intau in Israel. Tuamai, in poigumonku bá moibogpa in ki Tuang motarima kon onu in ogoiku.”

YEREMIA 40:5

Kon dodai in diápa minayá, ki Nebuzaradan in noguman, “Aka moibog, iko in motaaubí mobui mayá kon i Gedalya ki adí i Ahikam ki ompu i Sapan, inta ain dinuí i datu in Babel nobaḻí gubernur kon kotá mita in Yohuda. Iko in motaaubí mogutun takinnea kon sigad in rayat, andeka mayábí in onda in koibogmu.” Bo inogoiannea in tongkaaḷ kaanon bo tombuinag in akuoi, bo inogoineadon in akuoi minayá.

MALEAKHI 1:10

Ki Tuhan Inta Totok in mokawasa in noguman, “Mopia-piabí kon ḻingkopan-Ku in ngara in Baḷoi-Ku, sin diábí in mangaḻenea in moiko monontuḷú kon tudu in mezbah-Ku. Doíbí in Akuoi kon i monimu, bo doíbí in Akuoi motarima kon sosumbamu.

PETRUS 1 5:2

ḷukadaibí monimu kopiaraan in domba i Allah inta ain pinosarakan kon i monimu. Ḷukadai takin sanang in gina ná inta kinoibog i Allah, dikabí tongá pakisa in gina. Bo dika doman mogaid kon oaidan tatua tongá sakadar motayak kon kauntungan tontaní, táe aidaibí intua sin lantaranbí moiko totu-totuubí moibog mopobayá in oaidan i Allah.

HAKIM MITA 13:15

Bo guman i Manoah kon i-Nia, “Oḷatpa Tuang motoyong. Podungúanpa nami kon bembé batánea in ki Tuang.”

HAKIM MITA 19:21

Onda intua dinianea in mosia minayá in baḷoinea bodongka nopokaan in keledai mita monia. Bo naonda in mokokiangoi mita tatua nomatádon kon sioḷ, nongaan in mosia.