DATU MITA IMITÁNEA 13:6 - Alkitab Singog In Mongondow Masa In Tanaa

⁶ Bo ki Datu Yerobeam nogumandon kon i nabi tatua, “Tuḷungaipa kaasí sambayangai in akuoi kon i Tuhan Allahmu. Poigumaipa kon totabi-Nea sinbá undaman-Neapa in kokaḷku!” Nosambayang in nabi tatua kon i Tuhan, bo nopiadon in kokaḷ i datu.

DATU MITA IMITÁNEA 13:6 Mawu Ofanana

DATU MITA IMITÁNEA 13:5

Mezbah tatua baḷúdon norumbun bo ḷobud kon tudunea noitabud kon butá, ná inta pinoguman in nabi tatua podudui in parenta i Tuhan.

MAZMUR 119:58

Takin ḻimbatú in gina akuoi mopoigum in totabi-Mu, kotabipa kaasí in akuoi podudui in dandi-Mu.

IḶUAIAN 10:17

Ampungaipa in dosaku in komintan tanaa, bo posambayangdon kon i Tuhan Allahmu, sinbá poḷuat-Neadon kon inakó in hukuman inta mokopatoi tanaa.”

IḶUAIAN 12:32

Diadon in bayongan sapi, domba, bo bembému, bo bayádon! Poigumai domandon kon barakat in akuoi!”

IḶUAIAN 8:28

Ki datu in noguman, “Mopia, ogoikudon moiko mayá in padang gurun sin moposumba in kuruban kon i Tuhan, Allahmu, asaḷbí bo moiko in diá mayá moyayú. Bo toropdon, sambayangai doman in akuoi!”

IḶUAIAN 8:4

Tumpaḷak mita tatua in ḷumansik bo monomponik kon inimu, bo kon bayongan intau moḷobenmu bo rayat.’ ”

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

IḶUAIAN 9:28

Posambayangdon kon i Tuhan; totokdon in moyoyiga in kami popisí in gotup bo uyan eis tanaa. Pomayákudon mako in moiko mayá. Donaaidon mogutun kon naa in moiko.”

YEREMIA 37:3

Ki Datu Zedekia in nopotabá kon i Yukhal ki adí i Selemya, bo ki Imang Zepanya ki adí i Maaseya sin mopoigum sinbá akuoi in mosambayang kon i Tuhan Allah sin kopontingan in bangusa.

ZAKHARIA 7:2

Intau in Betel ain nopotabá kon i Sarezer bo kon i Regem-Melekh takin intau monia minayá in Baḷoi i Tuhan Inta Totok in mokawasa sin mopoigum in barakat-Nea.

PINOGIAPAN 12:13

Dá nokuanidon in ki Musa kon i Tuhan, “O Allah, poigumonku kaasí, undamaipa in sia!”

PINOGIAPAN 21:7

Bo bangusa tatua namangoi kon tayowon i Musa bo noguman, “Binaradosadon in kami sin ain nongunsingog kon i Tuhan bo kon inimu. Posambayangpa kon i Tuhan sinbá uḷag mita tanaa poyayúdon kon inami.” Dá sinambayangandon i Musa in bangusa tatua.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

LUKAS 23:34

Bo ki Yesus in nosambayang, “Amá ampungaidon in mosia sin diábí kinotaauan monia onu inaidan monia naa.” Onda intua, pakeang i Yesus sinilaidon monia kon tua táe munapa inundi.

OUMAN IN RASUL MITA 7:60

Bo sinumungkud in sia poḷat nomaḷú noropot, “Tuhan, donaaidon dosa tanaa popobaba-Mu kon i monia!” Onda in noguman mako natua sia in minatoidon.

OUMAN IN RASUL MITA 8:24

Dá ki Simon in noguman kon i Petrus bo kon i Yohanes, “Dá aka natua yo tuḷungaipa poigum kon i Tuhan sinbá diá tobatúmai in siningog monimu nion in mobaḻí kon i nakó.”

SURAT I PAULUS KON JAMAAT RUM 12:14

Poigumdon kon i Allah sinbá barakatan-Nea in intau mita inta nomogutú kon inimu. Poigumaibí kon barakat nongkon i Allah, donaaibí mopogodi-godimai.

SURAT I PAULUS KON JAMAAT RUM 12:21

Dika moibog taḷowon in moraat, táe ḷawangbí in moraat tua takin aid inta mopia.

WAHYU 3:9

Toropdon in naa: Intau mita inta ain nobaḻí umat in Ibilis tua, in intaubí mita mongouboḷ inta mongaku intau mita in Yahudi bokaka deemanbí. Mosia tua in aidan-Kubí sahingga in mosia mamangoi tumungkud kon tayowonmu. Bo kotaauandon monia kon kotabi-Kubí in moiko.

SAMUEL 1 12:19

Bo nogumandon in mosia kon i Samuel, “Tuḷungaipa, Amá, posambayangaipa in kami kon i Tuhan Allahmu, sinbá diá in kami matoi. Tanaa in kinotaauandon nami kon koḻikud in dosa nami koḻipod, kami in dinosadon bui sin kami ain noigum kon datu tobatú.”

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.