DATU MITA IMITÁNEA 13:4 - Alkitab Singog In Mongondow Masa In Tanaa

⁴ Kon dodai in kinodongogan i Yerobeam in tosingogon mita tatua, sinundúnea in nabi tatua bo nomaḷú, “Domok in intau tatua!” Táe kokaḷ i Yerobeam daḻídon notorondó dá diádon motaaunea okúon.

DATU MITA IMITÁNEA 13:4 Mawu Ofanana

KINOBAḺIAN 19:11

Intau mita inta kon ḷuai in baḷoi tatua binilogan monia komintan, nodapot in diádon nouḻí monia ngara in baḷoi tatua.

DATU MITA IMITÁNEA 12:29

Bo ki Yerobeam in nopoukat in sapi buḷawan tobatú tatua kon Betel bo ibanea in kon Dan.

DATU MITA IMITÁNEA 13:3

Guman i nabi noiduduimai, “Mezbah tanaa in morumbunbí, bo ḷobud inta kon tudunea in moitabud. Tua in poniataan kon akuoi in pinotabábí i Tuhan.”

DATU MITA IMITÁNEA 13:5

Mezbah tatua baḷúdon norumbun bo ḷobud kon tudunea noitabud kon butá, ná inta pinoguman in nabi tatua podudui in parenta i Tuhan.

DATU MITA IMITÁNEA 22:27

Poki pobonudon kon i monia in sia kon ponjara, bo tongádon ogoian in kaanon bo inumon tumongo piḻik modapot in akuoi mobui mangoi takin mosaḷamat.”

TAWARIKH 2 16:10

Tosingogon i Nabi Hanani tatua nokotorú totok kon i Asa nodapot in pinobonunea kon ponjara in nabi tatua. Kon dodai intua ki Asa in nopororigadon kon tongonumai in rayatnea.

MAZMUR 105:15

“Dika monuyayow kon intau mita inta piniḻí-Ku, dika mopoaid in moraat kon nabi-Ku mita!”

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MATIUS 26:57

Naonda in dinomok monia in ki Yesus, dinia monia pinotayow kon i Kayapas. Tobatú imang moḷoben. Kon tua aindon nosipun in mototundú mita kon agama bo guhanga mita in ḻipú.

LUKAS 6:10

Ki Yesus in nobobui magí-mako kon i monia komintan, onda intua Sia in noguman kon intau tatua, “Tonggó in ḻimamu.” Bo sinonggónea in ḻimanea tatua, dá kon dodaipa doman tatua nopia in ḻimanea inta minatoi tatua.

YOHANES 13:20

Naa in poguman-Ku kon i monimu: Ki ine in motarima kon intau inta pinotabá-Ku, yo sia in notarima kon i-Nakó. Bo ki ine in motarima kon i-Nakó, yo Sia tua in notarimadon kon i-Nia inta nopotabá kon i-Nakó.”

YOHANES 18:6

Kon dodai in ki Yesus noguman, “Akuoibí in naa inta sinayak monimu,” mosia komintan inumundok bo noumpag kon butá.

WAHYU 11:5

Aka oyúon in intau monungkuḷ mogaid kon inta diá mopia kon i monia, dá ḷumuaidon in tuḷu nongkon bibig monia bo tua in momokak kon saturu mita tatua. Dá natua in daḷan kopopatoi in intau mita inta mogaid kon inta diá mopia kon i monia.