DATU MITA IMITÁNEA 13:25 - Alkitab Singog In Mongondow Masa In Tanaa

²⁵ Intau mita inta noitaḻib, nokoontong kon mayat bo singa tatua kon tua. Bo mosia in minayá in Betel bo nopotaau kon onu inta inontong monia.

DATU MITA IMITÁNEA 13:25 Mawu Ofanana

DATU MITA IMITÁNEA 13:11

Kon dodai intua oyúon in nabi nogoguyangdon tobatú inta nogutun kon Betel. Ki adínea mita in nopotaaudon kon inia soaḷ nabi nongkon Yohuda tatua. Inouman monia in onu inta pinomianea kon Betel kon singgai tatua, bo onu in pinogumannea kon i Datu Yerobeam.

DATU MITA IMITÁNEA 13:26

Naonda in dinongog in nabi nogoguyang tatua intua, noguman in sia, “Notantúbí kon siadon tua in nabi inta diá motoindudui kon parenta i Tuhan! Tuamai in ki Tuhan nopoangoi in singa tatua sin modomok bo moḻimod kon inia ná inta pinoguman i Tuhan muna.”