DATU MITA IMITÁNEA 13:1 - Alkitab Singog In Mongondow Masa In Tanaa

¹ Kon dodai intua oyúon in nabi tobatú kon Yohuda. Sia in pinotabá i Tuhan mayá in Betel. Nabi tatua noiyaput intua kon tungkuḷ in ki Yerobeam simindog mako kon tayowon in mezbah sin moposumba in kuruban.

DATU MITA IMITÁNEA 13:1 Mawu Ofanana

DATU MITA IMITÁNEA 12:22

Táe ki Allah in nopotabá kon i Nabi Semaya

DATU MITA IMITÁNEA 13:26

Naonda in dinongog in nabi nogoguyang tatua intua, noguman in sia, “Notantúbí kon siadon tua in nabi inta diá motoindudui kon parenta i Tuhan! Tuamai in ki Tuhan nopoangoi in singa tatua sin modomok bo moḻimod kon inia ná inta pinoguman i Tuhan muna.”

DATU MITA IMITÁNEA 13:32

Onu inta ain pinogumannea pinodoyon kon parenta i Tuhan kon mezbah inta kon Betel tatua bo kon bayongan tampat pooibadaan kon kotá mita in Samaria tua in notantúbí kon mobaḻí.”

DATU MITA IMITÁNEA 13:5

Mezbah tatua baḷúdon norumbun bo ḷobud kon tudunea noitabud kon butá, ná inta pinoguman in nabi tatua podudui in parenta i Tuhan.

DATU MITA IMITÁNEA 13:9

Akuoi naa in nokouḻí kon parenta nongkon i Tuhan kon diábí motaau in mongaan andeka monginum, bo diábí doman mobui mongin daḷan inta binayáanku kon tungkuḷ in akuoi namangoi.”

DATU MITA IMITÁNEA 20:35

Pinodudui kon parenta i Tuhan, nabi tobatú kon sigad in nabi mita nopotabá kon yobayatnea nokibout kon inia. Táe yobayatnea tatua in doíbí.

DATU MITA 2 23:15

Sia in nomoguyaat doman kon tampat pososumbaan kon Betel inta pinosindog i Datu Yerobeam adí i Nebat – datu inta ain nokopopisí kon intau in Israel nogaid kon dosa. Bo ki Yosia in noḷosi kon mezbah kon tampat pososumbaan tatua, bo sinubánea takin patong i Dewi Asyera inta kon tua.

DATU MITA 2 23:17

Dá noḻibó in sia, “Poḷoḷobongan i ine in naa?” Intau mita in Betel in notubag, “Tua in poḷoḷobongan in nabi tobatú i Tuhan inta nokoimontandon namangoi in naa nongkon Yohuda, bo nonoḻindap kon onu mita inta bagu pinomia i Tuang kon mezbah tanaa.”

TAWARIKH 2 26:16

Naonda in ki Datu Uzia noropot, nobaḻídon in sia mododia, bo tua in nokopopisí kon kinorimumudannea. Iḻimimpat in sia kon parenta i Tuhan Allahnea sin sinumuot kon Baḷoi Tuhan sin motubá kon dupa kon tudu in mezbah in dupa.

TAWARIKH 2 26:18

sin moḷawang kon aidnea tatua. Mosia in noguman, “Tuang Inta Momulia! Ki Tuang in diábí in hak motubá kon dupa kon i Tuhan. Tua in oaidanbí in imang mita buí i Harun, sin mosiabí inta ain sinantú kon mogaid kon tua. Ḷuaidon in ki Tuang nongkon tampat inta motusi tanaa! Ki Tuang ain noḷawang kon i Tuhan Allah bo diádon kinoibog-Nea.”

TAWARIKH 2 9:29

Ouman ibanea kon i Salomo nongkon pinomangkoian nodapot in imbuitnea in pinaisdon kon bonu in buk Ouman kinobiagan i Nabi Natan bo kon bonu in buk Pinopotaauan muna i Nabi Ahia intau in Silo, bo kon bonu in buk Wahyu i Nabi Ido, inta nomais doman kon ouman pinomarentaan i Yerobeam datu in Israel.

YEREMIA 11:12

Bo intau in Yohuda bo intau in Yerusalem minayá nokituḷung kon ilah mita ibanea inta sinumba monia pinongin nobogoi in sosumba kuruban. Ilah mita tatua in diábí mokoposaḷamat kon i monia kon dodai in bodito tatua mamangoi.

YEREMIA 25:3

“Kon bonu in doyowa nopuḷú bo toḷu notaong, pinangkoi kon taong impuḷú bo toḷúnea kon pinomarentaan i Yosia adí ḷoḷaki i Amon kon Yohuda, nodapot in singgai naa ki Tuhan in noguman kon inakó bo diábí kon dodai in onda in diá pinogumanku kon inimu onu inta ain pinoguman-Nea. Táe moiko in diá nopandungmai.

YEREMIA 32:29

bo monurub kon tua modapot in mopayong takin baḷoi mita in intau mita inta nokopomuká kon torú-Ku, sin kon tudu in atop in baḷoi mita tatua notubá in mosia kon dupa kon i Baal bo nopobutak in anggur sin posumba kon dewa mita.

AMOS 7:13

Dikadon mohutuba kon Betel. Kotá tanaa in sinondíbí tongá kon i datu, bo tampat pooibadaan in dodatuan.”

AMOS 7:16

Tuamai in indongogaidon onu in pinoguman i Tuhan kon inimu. Popisí in iko diá nobogoi kon inakó mohutuba monayow kon bangusa in Israel,

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

TESALONIKA 1 4:15

Kon soaḷ tatua, nanaa in pinoguman i Tuhan inta musti poyaput nami kon i monimu: Kon wakutu in ki Tuhan Yesus mamangoidon bui kita inta nobiagpa in diábí umuna kon i monia inta minatoidon muna.

WAHYU 8:3

Tobatú malaekat ibanea inta nodia kon pototubáan kon kamania inta pinomia nongkon buḷawan, namangoi bo sinimindog kon tayowon meja pogogukatan kon sosumba. Sia inogoian in kamania nobayong sin potakin kon sambayang mita in bayongan umat i Allah bo posumba doman kon meja pototuduan kon sosumba inta kon tayowon tampat pomomarentaan.

SAMUEL 1 2:27

Kon singgai tobatú namangoidon in nabi tobatú kon i Eli bo nopotaau in koyow nongkon i Tuhan kon inia, kai-Nia, “Kon tungkuḷ in mogoguyangmu ki Harun bo motoḷuadínea nobaḻí ata i datu in Mesir, nokipogontongdon in Akuoi kon i Harun.

SAMUEL 1 9:6

Bobantung tatua notubag, “Oḷatpa muna! Kon kotá tanaa oyúon in mogogundoi i Allah. Totok in sia ihoromat in intau sin onu in singogonnea in totu-totuubí kon mobaḻí. Igai in kita mayá kon inia, dika-dika bo motaaubí ḻibóon kon inia mongo kon onda in keledai mita tatua.”