DATU MITA IMITÁNEA 11:3 - Alkitab Singog In Mongondow Masa In Tanaa

³ Pitu nogatut in adí bobay in intau moḷoben in pinobuḷoi i Salomo, bo toḷu nogatut in pahangnea. Ki buḷoinea mita tatuata inta nokopopisí kon i Salomo in nonoḻikud kon i Allah.

DATU MITA IMITÁNEA 11:3 Mawu Ofanana

TAWARIKH 2 11:21

Ki Rehabeam in kobuḷoi kon mopuḷú bo waḷu bo pahang in onom nopuḷú, doyowa nopuḷú bo waḷu in adí ḷoḷaki bo onom nopuḷú in adí bobay. Kon sigad in bayongan i buḷoinea bo i pahangnea tatua, ki Maakha inta totok in kinotabinea.

ESTER 1:18

Dá, aka ki buḷoi mita in intau mita moḷoben kon Persia bo kon Media in mokodongog kon tua, notantú bidon kon ḷagidon potaau monia kon i buḷoinea-buḷoinea. Bungainea kon tua, buḷoi bobay in moḷawangdon kon parenta i buḷoinea ḷoḷaki bo ki buḷoinea ḷoḷaki in tumorúdon kon i buḷoinea.

MOHOHUTUBA 2:8

Sinipunku in saḷaka bo buḷawan inta inogoi saḷaku iba in datu mita inta kon butá inta kon bonu in kawasaku. Mododondong ḷoḷaki bo bobay moposanang in ginaku pinongin dondong mita monia. Oyúon doman in pahang mita tongonukabí in koibogku.

MOHOHUTUBA 7:28

Tantúpa doman in akuoi motayak kon tontubag mita ibanea, táe diádon nokouḻí. Kon sigad in intau toribu, nouḻíku in ḷoḷaki tobatú inta ihoromatku. Táe kon sigad monia diá in bobay inta motaau horomatonku.

DONDONG MOḶANTUD 6:8

Umpaka onom nopuḷú in buḷoi, bo waḷu nopuḷú in pahang, bo mongodeaga mobarong totok,

DONDONG MOḶANTUD 6:9

táe tongábí tobatú in paḷomaku, inta kino sanangku, adí tuḷong kotabi-tabi i inánea. Mongodeaga mita moindoi bo modayow kon inia, buḷoi mita in datu bo pahang moibog kon inia.

ULANGAN 17:17

Datu in diábí motaau kobuḷoi kon mobayong, sinbá sia diá monoḻikud kon i Tuhan. Sia in diábí doman motaau mosipun kon saḷaka ande buḷawan sin baḻíonnea kaoyúonannea tontaní.

HAKIM MITA 3:6

Umat in Israel noyobuḷoidon magí-mako in bangusa mita tatua, bo sinumakindon nosumba kon dewa mita monia.

HAKIM MITA 9:5

bo minayá in ḻipú i amánea inta kon Opra. Kon tua iḻimodneadon in ki utatnea mita inta pitu nopuḷú tua kon tudu in batu tobatú. Táe ki Yotam adí ai-ai totok i Gideon in diá noitakin kinoḻimodan sin nogadop in sia.