DATU MITA IMITÁNEA 11:1 - Alkitab Singog In Mongondow Masa In Tanaa

¹ Ki Datu Salomo in nongibog kon mobayong in bobay nongkon butá ibanea. Koḻikud in adí bobay i datu in Mesir, ki Salomo in notonibuḷoi doman takin bobay mita in Het, Moab, Amon, Edom bo Sidon.

DATU MITA IMITÁNEA 11:1 Mawu Ofanana

DATU MITA IMITÁNEA 11:8

Ki Salomo in noposindog doman in tampat mita inta motaau potubáan i buḷoinea mita inta nongkon bangusa ibanea kon dupa, bo moposumba in kuruban kon dewa mita monia tontaní.

DATU MITA IMITÁNEA 14:21

Kon tungkuḷ in ki Rehabeam, adí i Salomo, nobaḻí datu in Yohuda, umurnea in opatdon nopuḷú notaong. Sia in nomarenta mopuḷú bo pitu notaong in koonggotnea kon Yerusalem. Nongkon bayongan Israel kotá tatua aindon sinondí i Tuhan nobaḻí tampat pososumbaan kon i-Nia. Ki iná i Yerobeam in ki Naama nongkon bangusa in Amon.

DATU MITA IMITÁNEA 14:31

Onda intua ki Rehabeam in minatoi bo iḷobong kon poḷoḷobongan kon datu mita kon kotá i Daud. Ki Abiam, ki adínea ḷoḷaki, nomaḷui kon inia nobaḻí datu.

DATU MITA IMITÁNEA 16:31

Diápa doman tugat kon inia in mobiag momia kon dosa naonda bo ki Datu Yerobeam, sia in notonibuḷoidon i Izebel ki adí i datu Etbaal inta nongkon Sidon, bo nosumbadon in sia kon i Baal.

DATU MITA IMITÁNEA 3:1

Ki Datu Salomo nobuḷoi kon i adí bobay i datu in Mesir. Ki adí bobay i datu in Mesir tatua in dinia i Salomo minayá in kotá i Daud bo nogutun kon tua nodapot in sia nopaḷut noposindog in komaḻig in datu bo baḷoi i Tuhan takin benteng in Yerusalem.

EZRA 10:44

Intau mita tatua komintan nononibuḷoi kon bobay nongkon bangusa ibanea. Dá ki buḷoi mita monia tatua in ginaatdon bo inuntun noyotakin in adí mita monia.

EZRA 9:1

Naonda intua komintan nodaitdon inaidan, tongonumai in intau inta sinon itoi kon bangusa in Israel namangoi kon inakó. Mosia in nopotaau kon inakó kon rayat in Israel, noitakin doman in imang mita, bo intau mita in Lewi in diábí sinumondí kon bangusa mita inta nogutun kon diugmai tua, inta bangusa in Amon, Moab, Mesir, Kanaan, Het, Peris, Yebus bo Amori. Nodapotbí in imang mita bo intau mita in Lewi sinumakin doman nomia kon natua. Mosia komintan in nogaidon kon aid mita inta mokorongó inta inaidan in bangusa mita tatua.

EZRA 9:2

Intau ḷoḷaki in Yahudi notonibuḷoidon in bobay in bangusa ibanea, dá umat inta sinondídon kon i Tuhan in diádon notapis. Nodapotbí inta muna-munamai nomia kon natua in intaubí mita inta sinon itoi bo pojabat in Israel.

IḶUAIAN 34:16

Aka ki adí mita monimu motonibuḷoi in bobay mita ango-angoi, yo mosia in dondouḷugandon in bobay mita tatua sinbá monaḷámaidon kon i-Nakó bo mosumbadon kon ilah mita monia.

AMSAL 2:16

Iko, adíku, in mokotaḻingbí kon dondouḷug in bobay sundaḷ inta moḷongasi modondouḷug kon inimu pongin tosingogon mita inta mopia.

AMSAL 22:14

Dondouḷug in bobay sundaḷ nobaḻí poyogaḷap; intau inta sinorúan i Tuhan moibonu kon poyogaḷapnea.

AMSAL 23:33

Matamu in naonda bo oyúon in doriaká, raianmu motombauk bo bibigmu in kinosingo-singognea.

AMSAL 31:3

Dika imibo-ibog in mopomaké in ropotmu andeka mongurab kon ropotmu kon bobay. Nobarongdon in datu inta norimumud popisí in bobay.

AMSAL 6:24

Pongin natua dá iko in popoyayú kon bobay mita sundaḷ bo nongkon dondouḷug mita mobisa nongkon buḷoi bobay in intau ibanea.

AMSAL 7:5

Hikmat in mopoyayú kon inimu nongkon bobay sundaḷ, nongkon bobay inta mopandoi modondouḷug pongin tosingogonnea inta mopia.

IMAMAT 18:18

Dika motonibuḷoi takin i utat i buḷoimu aka ki buḷoimu nobiagpa.

ULANGAN 17:17

Datu in diábí motaau kobuḷoi kon mobayong, sinbá sia diá monoḻikud kon i Tuhan. Sia in diábí doman motaau mosipun kon saḷaka ande buḷawan sin baḻíonnea kaoyúonannea tontaní.