DATU MITA IMITÁNEA 10:9 - Alkitab Singog In Mongondow Masa In Tanaa

⁹ Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu in Israel, pinoniata i Tuhan kon totuu mopia in gina-Nea kon i Tuang. Diá modai-dait in tabi-Nea kon bangusa in Israel; tuamai in Sia noduí kon i Tuang nobaḻí datu monia sinbá ki Tuang motaau moposindog in hukum bo koadilan.”

DATU MITA IMITÁNEA 10:9 Mawu Ofanana

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

SAMUEL 2 5:12

Tuamai in ki Daud noyakindon totok kon ki Tuhan ain nopobaḻí kon inia datu in Israel, bo moginropot kon dodatuan nea sin kopontingan in umat i Tuhan.

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

DATU MITA IMITÁNEA 5:7

Nopia totok in gina i Hiram naonda in nokodongog kon habar tatua. Sia in noguman, “Dinayo-dayowdon in ki Tuhan in singgai in naa, sin sia in nobogoidon kon i Daud in adí ḷoḷaki tobatú inta totuu mobijaksana mobaḻí datu kon bangusa inta moḷoben tua.”

TAWARIKH 1 17:22

Bangusa Israel in binaḻí-Mudon umat-Mu tontaní moidapot in mononoi. Bo Iko o Tuhan, in nobaḻí Allah monia.

TAWARIKH 2 2:11

Nobaḻí tubag in surat i Datu Salomo tatua, ki Datu Hiram in nokidia doman in surat inta nanaa in singognea, “Popisí in ki Tuhan notabi kon umat-Nea, dá sia in noduídon kon i Tuang nobaḻí datu monia.

MAZMUR 18:19

Mosia in nonubu kon inakó kon tungkuḷ in akuoi kinoantugan in bodito, táe ki Tuhan in nobaḻí mototuḷungku.

MAZMUR 22:8

Bayongan inta nokoontong kon inakó, noempeng kon inakó, noruit kon bibig bo nomombiḻing.

MAZMUR 72:2

Igumon mako sia in mohakim kon umat-Mu podudui in hukum, bo mopoaid in inta moadil kon intau inta dinorot.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 31:3

nongkon noyayú Akuoi nokipogontong kon i monia. Ei umat Israel, nongkon koḻipodpabímai Akuoi umuran monotabi kon i monimu, bo umuranbí doman in Akuoi moponiata kon Akuoi in umuranbí motabi kon i monimu.

MALEAKHI 1:2

Ki Tuhan in noguman kon umat-Nea, “Akuoi in motabi kon i monimu.” Táe mosia in notubag, “Naonda in pononotabi i Tuhan kon inami?” Ki Tuhan in notubag, “Kinotaauanbí monimu kon ki Esau tua in ki guya-guyangbí i Yakub? Táe ki Yakub in kinotabiku,

ULANGAN 7:8

Táe ki Tuhan nomiḻí kon i monimu sin motabi in Sia kon i monimu bo mogintompod kon dandi inta pinomia-Nea takin mogoguyangmu. Tuamai in noposaḷamat in Sia kon i monimu takin kawasa inta moḷoben bo nopoḷuat kon i monimu nongkon kawasa i datu in Mesir.