DATU MITA IMITÁNEA 10:8 - Alkitab Singog In Mongondow Masa In Tanaa

⁸ Totuu mountung in ki buḷoi mita i Tuang! Bo totuu momujur in pogawai mita inta umuran mogaid kon i Tuang sin mokodongogdon kon bayongan totundú inta mobijaksana nongkon i Tuang tontaní!

DATU MITA IMITÁNEA 10:8 Mawu Ofanana

DATU MITA IMITÁNEA 10:7

Koḻipod akuoi in diábí mopirisaya, táe naonda in akuoi namangoi bo nokoontong tontaní kon bayongan intua, baintua bo noyakindon in akuoi. Noniata magí yo bayongan inta ain dinongogku in diápabí noyotombotakmai nongkon onu inta ain inontongku tanaa. Noniata magí yo kabijaksanaan bo kaoyúonan i Tuang in moḷobe-ḷobenbí nongkon onu inta ain pinotaau kon inakó.

DATU MITA IMITÁNEA 12:6

Bo noigum in ki Rehabeam kon tonggina in guyanga mita inta nokoimontandon nobaḻí monononggina i Salomo, ki amá i Rehabeam. “Naonda in pototubagku kon intau mita tatua?” iḻibó i Rehabeam, “Onu in tonggina monimu?”

AMSAL 10:21

Tosingogon in intau inta mopia, in mobaḻí barakat kon intau mobayong; kobobodok in intau bodok in moḻimodbí kon inia tontaní.

AMSAL 13:20

Intau inta moyobayat takin in intau mobijaksana, in mobaḻíbí mobijaksana; intau inta moyobayat in intau bodok, in moboditobí.

AMSAL 22:29

Nokoimontandon degá iko in nokoontong kon intau inta mopandoi nogaid kon oaidannea? Intau tatua in pokiaidanbí kon komaḻig in datu mita, deemanbí kon baḷoi in intau biasa.

AMSAL 8:34

Pia in kamang in intau inta mokidongog kon inakó inta pomuḷoi in singgai ḻimitú mogoḷat mako kon ngara in baḷoiku, bo umuran moḷukad kon bonawang in pinogutunanku.

YEREMIA 40:10

Pogutundon kon kotá mita inta koibog monimu, bo kumudungdon in mosipun poḷat motagú kon anggur, bungai mita in ayop bo ḷana in zaitun. Akuoi tontaní in mogutunbí kon Mizpa bo mobaḻí toḻiu in rayat aka intau mita in Babel mamangoi.”

LUKAS 11:28

Táe ki Yesus noguman nanaa, “Intau inta mosanang totok in mosiabí inta moibog mokidongog kon Pirman i Allah, bo moibog mogaid kon onu inta pinoguman-Nea!”

LUKAS 11:31

Kon Singgai Pohakiman, Ratu nongkon Toḷatan mobangon moyotakin in intau mita masa naa bo mohakim kon i monia. Sin Ratu tanaa in namangoi nongkon popod in dunia sin mokidongog kon totundú i Salomo. Táe kon naa tanaa mako oyúon in noiḻiu kon kopopandoi i Salomo!