DATU MITA IMITÁNEA 10:7 - Alkitab Singog In Mongondow Masa In Tanaa

⁷ Koḻipod akuoi in diábí mopirisaya, táe naonda in akuoi namangoi bo nokoontong tontaní kon bayongan intua, baintua bo noyakindon in akuoi. Noniata magí yo bayongan inta ain dinongogku in diápabí noyotombotakmai nongkon onu inta ain inontongku tanaa. Noniata magí yo kabijaksanaan bo kaoyúonan i Tuang in moḷobe-ḷobenbí nongkon onu inta ain pinotaau kon inakó.

DATU MITA IMITÁNEA 10:7 Mawu Ofanana

DATU MITA IMITÁNEA 10:6

Dá nogumandon in sia kon i Datu Salomo, “Bayongan inta dinongogku nongkon butáku soaḷ ki Tuang bo kabijaksanaan i Tuang, in totuubí!

DATU MITA IMITÁNEA 10:8

Totuu mountung in ki buḷoi mita i Tuang! Bo totuu momujur in pogawai mita inta umuran mogaid kon i Tuang sin mokodongogdon kon bayongan totundú inta mobijaksana nongkon i Tuang tontaní!

MAZMUR 48:9

Ná inta dinongog naton, tanaa in inontongdon naton intua, kon Kotá i Tuhan Inta Totok in mokawasa. Kotá tatua in Kotá i Allah naton, Dinuḷuannea intua nodapot in mononoi.

YESAYA 64:4

Diápa kon dodai in onda oyúon in nokodongog, bo diápa doman kon dodai in onda oyúon in nokoontong kon koḻikud in Iko, oyúon in ilah inta nogaid kon onuka, kon intau inta noharap mako kon inia.

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

MARKUS 16:11

Táe naonda in kinodongogan monia kon ki Yesus in nobiag, bo ki Maria in nokoontongdon kon i-Nia, diábí in mosia nopirisaya.

KORINTUS 1 2:9

Tongá soaḷ tatua ain bidon noipais kon Buk Motusi, “Onu inta diá kon dodai in onda inontong andeka dinongog in intau, bo diá doman dodai onda in kinoraian intau, tuatabí in sinadia i Allah kon bayongan intau inta motoindudui kon i-Nia.”

YOHANES 1 3:2

Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.