DATU MITA IMITÁNEA 10:6 - Alkitab Singog In Mongondow Masa In Tanaa

⁶ Dá nogumandon in sia kon i Datu Salomo, “Bayongan inta dinongogku nongkon butáku soaḷ ki Tuang bo kabijaksanaan i Tuang, in totuubí!

DATU MITA IMITÁNEA 10:6 Mawu Ofanana

DATU MITA IMITÁNEA 10:5

pogogaid in pogawainea mita kon komaḻignea, bo pakeang moyotakin bo baḷoi mita monia. Inindoiannea doman in kaanon bo oinumon inta inoḷud, pononoḻisí in bobantung mita kon rame, bo kuruban mita inta pinosumba i Salomo kon Baḷoi Tuhan. Bayongan intua nokoherang nodapot in noitongau in ki datu bobay nongkon butá in Syeba tatua.

DATU MITA IMITÁNEA 10:7

Koḻipod akuoi in diábí mopirisaya, táe naonda in akuoi namangoi bo nokoontong tontaní kon bayongan intua, baintua bo noyakindon in akuoi. Noniata magí yo bayongan inta ain dinongogku in diápabí noyotombotakmai nongkon onu inta ain inontongku tanaa. Noniata magí yo kabijaksanaan bo kaoyúonan i Tuang in moḷobe-ḷobenbí nongkon onu inta ain pinotaau kon inakó.

MAZMUR 48:9

Ná inta dinongog naton, tanaa in inontongdon naton intua, kon Kotá i Tuhan Inta Totok in mokawasa. Kotá tatua in Kotá i Allah naton, Dinuḷuannea intua nodapot in mononoi.