DATU MITA IMITÁNEA 1:7 - Alkitab Singog In Mongondow Masa In Tanaa

⁷ Bo minayá in sia noyosingog i Yoab bo i Imang Abyatar. Ki iná in Yoab naa in ki Zeruya. Ki Yoab bo ki Imang Abyatar noibog kon onu in ḷongasion i Adonia tua.

DATU MITA IMITÁNEA 1:7 Mawu Ofanana

SAMUEL 2 15:12

Bo koyogot in ki Absalom noposumba in kuruban, sia in nopotabá doman in totabá kon kotá in Gilo sin mogoiní kon i Ahitopel, inta monononggina tobatú i Datu Daud. Natuata in komplotan moḷawang kon i datu tatua kodugang-kodugangdon in koropotnea, bo kodugang-kodugang domandon in kobayong in dumodudui i Absalom.

SAMUEL 2 15:35

Ki Imang Zadok bo ki Abyatar in kon tua doman. Potaaudon kon i monia in bayongan in inta dongogonmu kon komaḻig.

SAMUEL 2 20:23

Naadon in intau mita moḷoben inta dinuí i Daud: Tongguḷu totokan in bayongan tontara in Israel: ki Yoab. Tongguḷu in tontara moḷoḷukad kon i Daud: ki Benaya adí i Yoyada.

SAMUEL 2 20:25

Momomais in negara: ki Seya. Imang: ki Zadok bo ki Abyatar.

SAMUEL 2 8:16

Naa in pomarenta mita moḷantud inta dinuí i Daud: Tongguḷu totokan in tontara: Ki Yoab adí i Zeruya; Momomais in komaḻig: ki Yosapat adí i Ahilud; Imang mita: ki Zadok adí i Ahitub, bo ki Ahimelek adí i Abyatar; Momomais in negara: ki Seraya

DATU MITA IMITÁNEA 2:22

“Nongonu sin ki iná in moigum kon soaḷ tatua kon inakó?” ki Salomo noḻibó. “Tua in notongkaibí in nopoigum kon inakó sinbá mobogoi in ḷoḻitúan in dodatuan tanaa ogoi kon inia. Sia tua in ki guya-guyangku! Apadoman ki Imang Abyatar bo ki Yoab in tua kon inia!”

TAWARIKH 1 27:34

Naonda in ki Ahitopel minatoi, sia in binaḷuian i Abyatar bo i Yoyada adí i Benaya. Tongguḷu totokan in tontara in dodatuan in ki Yoab.

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.