DATU MITA IMITÁNEA 1:5 - Alkitab Singog In Mongondow Masa In Tanaa

^5-6 Popisí in ki Absalom ain minatoi, dá ki Adonia, adí ḷoḷaki i Daud nogindua in nobaḻí adí guya-guyang. Ki inánea in ki Hagit. Ki Adonia naa in ḷoḷaki inta moḷunat. Diábí dodai onda in torúan i amánea in sia aka momia kon inta moitaḷá. Ki Adonia in moibogbí totok in mobaḻí datu, dá nosadiadon in sia kon tongonumai in kereta in parang bo tontara mita inta tumotakoi kon kabaḷo takin moḷoḷukadnea ḻima nopuḷú.

DATU MITA IMITÁNEA 1:5 Mawu Ofanana

SAMUEL 2 15:1

Nopaḷut mako kon tua ki Absalom nosadiadon kon kereta in parangnea tobatú bo kabaḷo takin intaunea ḻima nopuḷú

SAMUEL 2 3:4

Ki Adonia. Ki inánea in ki Hagit. Ki Sepaca. Ki inánea in ki Abital.

DATU MITA IMITÁNEA 1:11

Dá minayá in ki Nabi Natan nokipodungkuḷ kon i Batsyeba, ki iná i Salomo, bo noguman kon inia, “Degá ki Buḷoi Datu in diápa nokodongog kon ki Adonia, adí ḷoḷaki in Hagit, ain dinumuí nobaḻí datu, bokaka ki Datu Daud in diápabí nonotaau kon onu bo onu soaḷ tatua?

DATU MITA IMITÁNEA 2:13

Kon singgai tobatú, ki Adonia minayá kon i Batsyeba. Ki Batsyeba noḻibó kon inia, “Degá inangoianmu naa in makusud mopia?” “Oo,” tubag i Adonia.

DATU MITA IMITÁNEA 2:15

Ki Adonia in notubag, “Kinotaauan i iná kon sabanarnea in akuoibí in mobaḻí datu; tua in inoḷat bidon mako in bayongan Israel. Táe noyoḻiudon in nobaḻí; ki ai-aikubí in nobaḻí datu, sin natua in kinoibog i Tuhan.

DATU MITA IMITÁNEA 2:24

Ki Tuhan in noginrigondon kon ḷoḻitúanku kon ḷoḻitúan i amáku, ki Daud. Ki Tuhan ain nogintompod kon dandi-Nea bo ain nobogoi in dodatuan tanaa kon inakó bo kon buíku. Akuoi in mongibot podoyon kon i Tuhan inta nobiag kon ki Adonia in matoibí doman singgai naa!”

TAWARIKH 1 28:5

Sia in nobogoi in adí nobayong kon inakó bo nongkon bayongan i adíku tatua piniḻí-Nea in ki Salomo sin momarenta kon Israel, dodatuan i Tuhan.

TAWARIKH 1 29:1

Bo ki Datu Daud in nogumandon kon bayongan in intau inta noyosipun kon tua, “Nongkon bayongan in adíku ḷoḷaki, ki Salomobí in piniḻí i Allah. Táe nobagupa totok in sia bo noyakagpa in pongalamannea bokaka oaidan tanaa in totokbí in moḷoben. Apa doman inta posindogon tatua in deemanbí komaḻig in intau, táe baḷoibí kon i Tuhan Allah.

IḶUAIAN 9:17

Umpaka natua, iko umuranpabí doman mosiḷantud bo diápa doman ogoimu mayá in umat-Ku.

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

YESAYA 2:7

Ḻipúnea nopuḻing in saḷaka bo buḷawan, bo kapunyaannea diá koiapan. Kabaḷonea mobayong totok, bo keretanea diádon koiapan in kobayongnea.

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

LUKAS 18:14

“Bá poguman-Ku kon i monimu kon sambayangbí in mononagi kon pajak tanaa in sinarima i Allah, deemanbí sambayang intau in Parisi. Sin ki ine in mosiḷantud, yo sia in poompáanbí, táe ki ine moompá in dodia, yo sia in poḷantudonbí.”

HAKIM MITA 9:2

“Tungkuḷaika ḻibó kon bayongan in intau in Sikhem, onda in mopia-pia: Parentaan i adí i Gideon inta pitu nopuḷú, andeka tongá intau tobatú? Ponoropdon kon i monia kon akuoi naa in oyúonpabí in uput in kompong nongkon i monia tua.”