DATU MITA IMITÁNEA 1:41 - Alkitab Singog In Mongondow Masa In Tanaa

⁴¹ Ki Adonia bo intau mita inta inoinínea bagupa nopaḷut norame, kon dodai in mosia nokodongog kon rame tatua. Kon dodai in ki Yoab nokodongog kon singog in torompet, noḻibó in sia, “Onu in nobaḻí kon kotá nodapot in moramedon totok?”

DATU MITA IMITÁNEA 1:41 Mawu Ofanana

DATU MITA IMITÁNEA 1:40

Noiduduimai kon tua mosia komintan nonakin kon inia nobui sindaḷan norogiow bo nogirup kon bansí, nodapot in butá naonda bo mobotak sin rame tatua.

DATU MITA IMITÁNEA 1:42

Diápa nopaḷut in ki Yoab nosingog, indoianmai daḻídon namangoi in ki Yonatan adí i Imang Abyatar, “Igai tumuot,” guman i Adonia. “Iko nion intau mopia, dá notantúbí kon inta diniamu nion in habarbí inta mopia doman.”

AYUB 20:5

ḷunganga in intau moraat tongábí motoyong, bo kasanangan in intau moraat tongá tokokiap?

IḶUAIAN 32:17

Kon dodai in mosia nosiḻig, dinongog i Yosua intau mita Israel noromaḷú, dá nogumandon in sia kon i Musa, “Oyúon in parang kon pinonḷoḷaigan.”

AMSAL 14:13

Kon ḻikud in kosing degá oyúonbí in ombaḷ; ḷunganga in gina oyúonbí doman in imbuitan in robonoḷ in gina.

MATIUS 21:15

Táe naonda imang mita itoi bo mototundú mita kon agama nokoontong kon soaḷ mita mokoherang inta inaidan i Yesus tatua bo mokodongog kon mongoadí mita nomaḷú kon bonu in Baḷoi Tuhan, “Saḷamat kon i Adí i Daud!” Dá mosakí totok in gina monia.

OUMAN IN RASUL MITA 21:31

Naonda in mosia monomayá moḻimod kon i Paulus, intau mita minayá nopoyaput in habar kon itoi in tontara in Rum, kon Yerusalem in nokacau.