DATU MITA IMITÁNEA 1:25 - Alkitab Singog In Mongondow Masa In Tanaa

²⁵ Singgai naa doman sia in noposumbadon in domba mobayong, sapi koḷakian bo ki adí in sapi inta mongoḷomumu. Bayongan adí ḷoḷaki i tuang datu ain inoinínea. Ná doman tua in Tongguḷu totok in tontara mopoparang i tuang datu, bo ki Imang Abyatar. Tanaa mako mosia in yogotdon morame takinnea bo morogiow in moguman, ‘Mobiag in ki Datu Adonia!’

DATU MITA IMITÁNEA 1:25 Mawu Ofanana

SAMUEL 1 10:24

Onda intua ki Samuel noguman kon rayat, “Naadon in intau inta piniḻí i Tuhan, diábí in poḻiu kon sigad naton komintan.” Bayongan in bangusa tatua norogiow, “Mobiag datu!”

DATU MITA IMITÁNEA 1:19

Sia in noposumbadon in kuruban in domba nobarong, sapi koḷakian bo ki adí in sapi inta mongoḷomumu. Sia in nogoiní domandon namangoi in rame tatua in ki adí mita ḷoḷaki i tuang datu bo ki Imang Abyatar takin ki Yoab, inta tongguḷu totok in tontara mopoparang i tuang datu. Táe ki Salomo in diábí inoinínea.

DATU MITA IMITÁNEA 1:9

Kon singgai tobatú kon tampat inta sinangoian Batu Uḷag kon diug in bokaká in tubig in En-Rogel, ki Adonia noposumba in kuruban domba, sapi koḷakian bo ki adí in sapi inta mongoḷomumu. Nogoiní in sia kon i adí mita ḷoḷaki i Datu Daud inta ibanea, bo pogawai mita in komaḻig nongkon suku in Yohuda mamangoi kon rame pobogoian kon kuruban tatua.

LUKAS 19:38

Mosia in nomaḷú nanaa, “Binarakatan in Datu inta namangoi kon bonu in tangoi Tuhan! Dodamean kon soroga, bo dinayo-dayowdon in ki Allah!”

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

TAWARIKH 2 23:11

Nopaḷut mako kon tua ki Yoyada in nodia kon i Yoas iḻumuai, bo nopopaké in sapoyo in datu kon uḷunea, bo nobogoi kon inia in buk Hukum i Allah. Natuata in pinoduían kon i Yoas nobaḻí datu. Onda intua ki Imang Yoyada takin adínea mita nopobutak in ḷana upacara pinoduían kon i Yoas, bo bayongan in intau komintan nomaḷú “Mobiag datu!”

TAWARIKH 1 29:21

Kon singgai noiduduimai mosia in noratá kon bobiagon sin posumba mobaḻí kuruban kon i Tuhan, bo sinilai kon bayongan in rayat. Koḻikud intua 1.000 in sapi koḷakian, 1.000 in domba koḷakian bo 1.000 in domba batánea inta iratá bo sinubá sibatu kon tudu in mezbah. Mosia in noposumba doman in anggur inta ain sinantú kon kuruban mita tatua.

TAWARIKH 1 29:13

Tanaa, o Allah nami, kami mopoyaput in sukur kon ini-Mu, bo modayow in kami kon tangoi-Mu inta moḷantud.

DATU MITA 2 11:12

Nopaḷut mako kon tua ki Yoyada in nodia mangoi kon i Yoas, bo pinopo bongkowan in mahkota in datu kon uḷunea, bo inogoian in buk in sia Hukum i Allah. Ki Yoas in dinuí nobaḻí datu bo tua in pinotaaudon kon bayongan in rayat. Komintan nonggoḷokap bo norogiow, “Kobiag datu!”

DATU MITA IMITÁNEA 1:34

Kon tua ki Zadok bo ki Natan in musti moduí kon inia mobaḻí datu in Israel. Mopaḷut mako kon tua moiko in musti mogirup kon torompet bo mobaḷu, ‘Mobiag in ki Datu Salomo!’

SAMUEL 2 16:16

Naonda in ki Husai yobayat i Daud inta mosatia tua noyodungkuḷ i Absalom, ki Husai in nomaḷú, “Kobiag datu! Kobiag datu!”

MATIUS 22:4

Sia in nopotabá bui kon bobantungnea mita ibanea, takin koyow, ‘Pogumandon kon intau mita inta ain sinoko oiní tatua: Kon bayongan kaanon aindon sinadiaku. Sapi mita koḷakian, bo biag inta sinokopiaraku aindon iratá. Bo komintan tua aindon sinadia kon meja. Angoidon in rame ponikaan i adíku singgai in naa!’

DATU MITA IMITÁNEA 1:24

Ki Natan in noguman, “tuang datu Inta Momulia, degá ki tuang datu aindon nopotaau kon ki Adonia in momaḷui kon i tuang datu mobaḻí datu?

DATU MITA IMITÁNEA 1:39

Onda intua ki Zadok nogamá kon tampat in ḷana zaitun inta ain dinianea nongkon Ḷoḷaigan i Tuhan, bo dinuíneadon in ki Salomo nopomaké in ḷana tatua. Bo torompet in inirupdon bo bayongan intau inta namangoi intua nomaḷú, “Mobiag ki Datu Salomo!”

DATU MITA IMITÁNEA 2:15

Ki Adonia in notubag, “Kinotaauan i iná kon sabanarnea in akuoibí in mobaḻí datu; tua in inoḷat bidon mako in bayongan Israel. Táe noyoḻiudon in nobaḻí; ki ai-aikubí in nobaḻí datu, sin natua in kinoibog i Tuhan.

DATU MITA 2 9:13

Dá baḷúdon in yobayat mita i Yehu noḷongkut kon jubah mita monia bo nopoompat kon tukad kon tayowon i Yehu. Bo nogirup in mosia kon torompet poḷat nomaḷú, “Ki Yehu in datu!”

DATU MITA 2 11:14

Inontongnea in datu inta nobagu tatua sinimindog kon ngara tumuot in Baḷoi Tuhan kon tampat pinoduían kon inia, iḻibu in porwira mita bo mogogirup mita kon torompet. Bayongan in rayat norogiow takin pia in gina sindaḷan nogirup kon torompet. Takin yaat in gina ki Atalya nomerak kon ḷambungnea, bo nomaḷú, “Bangkang! Bangkang!”