DATU MITA IMITÁNEA 1:11 - Alkitab Singog In Mongondow Masa In Tanaa

¹¹ Dá minayá in ki Nabi Natan nokipodungkuḷ kon i Batsyeba, ki iná i Salomo, bo noguman kon inia, “Degá ki Buḷoi Datu in diápa nokodongog kon ki Adonia, adí ḷoḷaki in Hagit, ain dinumuí nobaḻí datu, bokaka ki Datu Daud in diápabí nonotaau kon onu bo onu soaḷ tatua?

DATU MITA IMITÁNEA 1:11 Mawu Ofanana

SAMUEL 2 15:10

Táe munadon in sia nopotabá in totabá mita kon bayongan in suku Israel takin nodia kon koyow, “Aka mokodongog in moiko kon singog in torompet, yo pomaḷúdon, ‘Ki Absalom ain nobaḻí datu kon Hebron!’ ”

SAMUEL 2 3:4

Ki Adonia. Ki inánea in ki Hagit. Ki Sepaca. Ki inánea in ki Abital.

DATU MITA IMITÁNEA 1:10

Táe ki Salomo ki ai-ainea, bo ki Nabi Natan takin ki Benaya bo moḷoḷukad i Datu Daud in diábí inoinínea.

DATU MITA IMITÁNEA 2:13

Kon singgai tobatú, ki Adonia minayá kon i Batsyeba. Ki Batsyeba noḻibó kon inia, “Degá inangoianmu naa in makusud mopia?” “Oo,” tubag i Adonia.

TAWARIKH 1 29:1

Bo ki Datu Daud in nogumandon kon bayongan in intau inta noyosipun kon tua, “Nongkon bayongan in adíku ḷoḷaki, ki Salomobí in piniḻí i Allah. Táe nobagupa totok in sia bo noyakagpa in pongalamannea bokaka oaidan tanaa in totokbí in moḷoben. Apa doman inta posindogon tatua in deemanbí komaḻig in intau, táe baḷoibí kon i Tuhan Allah.