DATU MITA IMITÁNEA 1:1 - Alkitab Singog In Mongondow Masa In Tanaa

¹ Ki Datu Daud in nogoguyangdon totok. Umpakabí dinaingandon in sia in daing inta mobunod, táe umuranbí domandon tumonow in sia.

DATU MITA IMITÁNEA 1:1 Mawu Ofanana

KINOBAḺIAN 18:11

Tungkuḷ intua ki Abraham bo ki Sara nogoguyangdon totok, ki Sara in diádon angoionmai muḷoi in buḷan.

KINOBAḺIAN 24:1

Ki Abraham nogoguyangdon totok, bo totok doman binarakatan i Tuhan in sia onukadon in inaidannea.

SAMUEL 2 24:25

Bo noposindogdon in ki Daud in mezbah kon tua kon i Tuhan bo noposumba in kuruban payongon takin kuruban dodamean. Ki Tuhan in nokidongogdon kon sambayang i Daud, bo nopaḷutdon in yampoi tatua kon Israel.

SAMUEL 2 5:4

Ki Daud umur toḷu nopuḷú notaong kon dodai in sia nobaḻí datu, bo nomarenta in sia opat nopuḷú notaong in koonggotnea.

DATU MITA IMITÁNEA 1:15

Dá minayádon in ki Batsyeba kon tayowon i datu kon bonu in gopotnea. Kon dodai intua ki datu nogoguyangdon totok, bo ki Abisag, mongodeaga in Sunem tua, mobantungmai kon inia.

DATU MITA IMITÁNEA 1:2

Bo pogawainea mita in noguman, “Inta momulia, maníka potayakan nami kon mongodeaga tobatú inta mogutun moyotakin i Tuang datu bo monompia kon i Tuang datu. Mosiugdon in sia moyotakin i Tuang datu sinbá umatúdon in awak i Tuang.”

TAWARIKH 1 23:1

Kon dodai in ki Daud nogoguyangdon totok dinuíneadon in ki Salomo nobaḻí datu in Israel.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

MOHOHUTUBA 4:11

Kon doḷom inta motumping, intau doyowa inta nosiug noyodiug monginggamá kon tumping, táe aka tongá tobatú yo naonda in koinggamá in tumping?

LUKAS 1:7

Tongá mosia naa in diá kogadí, sin ki Elisabet in bantó bo taya dua naa aindon mogoguyang doman.

YOSUA 13:1

Tanaa in ki Yosua nogoguyangdon totok. Ki Tuhan noguman kon i Yosua, “Iko in nogoguyangdon, Yosua! Táe nobayongpa in butá inta mustipa agowon: