DATU MITA 2 9:37 - Alkitab Singog In Mongondow Masa In Tanaa

³⁷ bo kiagat in awak tatua in moitabudon magí mako naonda bo taai in mahaḷuk dá diábí tobatúmai in intau in monotaau kon mayat i ine intua.’ ”

DATU MITA 2 9:37 Mawu Ofanana

MAZMUR 83:10

Pomiadon in mosia naonda bo intau in Midian, naonda bo ki Sisera bo ki Yabin kon Ongkag in Kison,

MAZMUR 83:11

inta ain iyopú kon Endor, bo nobaḻí pupuk in butá.

MOHOHUTUBA 6:3

Umpaka intau tobatú kogadí kon adí mogatut bo moonggot in kinobiagannea nodapot in mogoguyang, táe aka sia bo diá mokorasa kon sanang in gina bo diá doman nokouḻí kon poḷobongan inta patus kon inia, dá podudui in raianku, adíbí mointok inta minatoi pinononggadí monag in mopia-pia in ukurnea nongkon intau tatua.

YESAYA 5:25

Ki Tuhan in sinumorú kon bangusa-Nea. Sia in nosadiadon kon mohukum kon i monia. Buḷud mita in modandú, mayat mita posiyayit naonda bo apat kon daḷan. Táe ki Tuhan in sinumorúpabí bo tantúbí mohukum.

YEREMIA 16:4

Mosia in matoi kotugatan in yampoi in takit inta mokopatoi, bo mosia in matoi kon poparangan andeka matoi in gogoy. Diábí tobatúmai in intau in mongombaḷ andeka moḷobong kon i monia. Mayat monia in moirarit magí mako naonda bo pupuk kon butá, bo kaanon in ḷagapan bo mahaḷuk inta mokokaan kon tapú.

YEREMIA 22:19

Ki Yoyakin in uguton bo pogambatbí kon ḷuai in bonawang in Yerusalem, ná pinogogaid in intau kon keledai minatoi.”

YEREMIA 25:33

Kon singgai tatua mayat in intau mita inta pinatoi i Tuhan in moibilabagdon magí mako kon sinangkub in butá. Mosia in diá bidon ombaḷan, diábí doman buaton sin ḷobongon, táe pomayá bidon mako kon butá naonda bo kinosipunan in apat.

YEREMIA 36:20

Pojabat mita tatua nogukat kon ḻitodan in buk tatua kon gopot i Elisama, momomais tatua, bodongka minayá kon i datu bo nopotaau in bayongan tua.

YEREMIA 8:1

Kon dodai intua tuḷan in datu mita bo pojabat mita in pomarenta kon Yohuda, tuḷan doman in imang mita, in nabi, bo intau mita in Yerusalem ibanea in batunon nongkon pinoḷobongan kon i monia,

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

YEREMIA 9:22

Mayat in noiukatdon magí-mako naonda bo apat kon tudu in butá; naonda bo gandum inta ain iratab bodongka sinaḷáan bo diádon sinipun bui. Tuata in koyow i Tuhan inta musti potaauku.”