DATU MITA 2 9:27 - Alkitab Singog In Mongondow Masa In Tanaa

²⁷ Ki Ahazia in nokoontong kon onu inta nobaḻí tatua, dá pinoḷaguinea in keretanea nopobayá in kotá in Bet-Hagan. Ki Yehu in nondudur kon inia bo nomaḷú kon intaunea mita, “Ḻimod domandon in sia!” Piniotan monia in sia bo kinekeban kon daḷan inta nopobayá ná Gur, kon diug in kotá in Yibleam. Táe nokoḷagui in sia nodapot in Megido, bo minatoi in sia kon tua.

DATU MITA 2 9:27 Mawu Ofanana

DATU MITA IMITÁNEA 21:2

Kon singgai tobatú ki Ahab in noguman kon i Nabot, “Ogoidon kon inakó in gobá in anggurmu tatua, sin gobámu tatua in nodiug kon komaḻigku. Moibog in akuoi momuḷa kon kuyat mita kon tua. Bain toḻiuanku in gobá in anggur inta mopia-pia nongkon tua, andeka aka moibog in iko, yo taḷuionkudon podudui kon boḻinea inta mopia.”

DATU MITA 2 10:4

Pongawasa mita in Samaria inagían in ondok. Mosia in noguman, “Ki Datu Yoram bo ki Datu Ahazia in diábí doman nokotaḷow kon i Yehu, apa doman kita!”

DATU MITA 2 11:1

Naonda in kinotaauan i Atalya kon ki Datu Ahazia, ki adínea in minatoidon, pinarentaanneadon sinbá bayongan in ginaḷum motoḷuadí i Ahazia in ḻimodon.

DATU MITA 2 12:1

Kon taong noginpitu kon pinomarentaan i Yehu kon Israel, Ki Yoas in nobaḻí datu kon Yohuda. Sia in nomarenta kon Yerusalem 40 notaong in koonggotnea. Ki inánea in ki Zibya nongkon kotá in Bersyeba.

DATU MITA 2 21:23

Pogawai mita i Datu Amon in noyopopog bo noḷawang kon inia bo noḻimod kon inia kon komaḻig.

DATU MITA 2 8:29

bo nobuidon in sia kon kotá in Yizreel sin undaman, bo minayá in ki Ahazia noḷongow kon inia kon tua.

AMSAL 13:20

Intau inta moyobayat takin in intau mobijaksana, in mobaḻíbí mobijaksana; intau inta moyobayat in intau bodok, in moboditobí.

PINOGIAPAN 16:26

Ki Musa noguman kon intau mita in Israel, “Ḷuaidon nongkon ḷoḷaigan in intau mita inta moraat tanaa bo dika doman moḻiai kon kapunyaan monia. Aka moiko doí dumudui, yo moiko in yopúon poyotakinon monia popisí in dosa mita monia.”

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

YOSUA 17:11

Kon bonu in butá i Isakhar bo i Asyer tua oyúon in butá mita kapunyaan i Manasye, tuata in Bet-Sean bo Yibleam takin ḻipú mita kon diugneamai. Noituot doman: in Dor (kotá inta noiukat kon bingkí in dagat), En-Dor, Taanakh, Megido takin ḻipú mita kon diugneamai.

HAKIM MITA 1:27

Suku in Manasye in diábí nopoguntun kon intau inta nogutun kon Bet-Sean, Taanakh, Dor, Yibleam bo Megido takin ḻipú mita kon diugneamai. Dá intau in Kanaan umuran nogutun kon tua.

HAKIM MITA 5:19

Kon Taanakh, kon diug in ongkag in Megido, datu mita noparang, datu mita in Kanaan irumopotdon totok, táe kon pinoparangan tatua mosia in diábí nogagow kon saḷaka.