DATU MITA 2 9:25 - Alkitab Singog In Mongondow Masa In Tanaa

^25-26 Bo ki Yehu in noguman kon i Bidkar intaunea, “Degá kinotoropanmupa, kon wakutu in kita sinumakoi kon kabaḷo dinumudui kon i Ahab, ki amá i Yoram? Kon tungkuḷ intua ki Tuhan in noguman kon i Ahab, ‘Kinotaauan-Ku mongo ki ine in noḻimod kon i Nabot bo kon i adínea mita koḷabung, bo akuoi in nodandi kon mohukum kon inimu kon gobá tanaa doman.’ ” “Tuamai,” guman i Yehu noiduduimai kon intaunea tatua, “pogambatdon in awak i Yoram tatua kon gobá i Nabot, sinbá mobaḻídon in hukuman i Allah kon inia.”

DATU MITA 2 9:25 Mawu Ofanana

DATU MITA IMITÁNEA 19:17

Ki ineka in diá ḻimodon i Hazael, yo ḻimodonbí i Yehu, bo mosia inta mokoḷagui nongkon i Yehu yo ḻimodonbí i Elisa.

DATU MITA IMITÁNEA 21:1

Kon diug in komaḻig i Ahab kon Yizreel oyúon in gobá in anggur totampat inta ki Nabot in kitogi.

DATU MITA IMITÁNEA 21:19

bo potaaudon kon inia kon Akuoi, ki Tuhan, in noguman nanaa, ‘Ain noḻimod, mogagowpa doman! Tuamai in dugúmu in diláan in ungkú kon tampat in pinodilaan in ungkú mita kon dugú i Nabot!’ ”

YESAYA 13:1

Naa in koyow i Allah, inta sinarima i Yesaya adí i Amos soaḷ Babel:

YEHEZKIEL 12:10

Tuamai in potaaudon kon i monia onu in inta poguman-Ku, ki Tuhan Inta Totok in moḷantud kon i monia. Koyow-Ku naa in pinotongkana kon i datu kon Yerusalem, bo bayongan in intau kon kotá tatua.

NAHUM 1:1

Naa in koyow i Allah soaḷ Niniwe. Koyow tatua in pinoniata pinongin oontongon inta inogoi kon i Nahum, tobatú nabi inta nongkon Elkos.

MALEAKHI 1:1

Naa in koyow i Tuhan kon i Maleakhi kon umat in Israel.

MATIUS 11:30

Sin parenta inta pinoguman-Ku in mopia, bo inta pinoki aid-Ku in diábí mororiga.”