DATU MITA 2 8:29 - Alkitab Singog In Mongondow Masa In Tanaa

²⁹ bo nobuidon in sia kon kotá in Yizreel sin undaman, bo minayá in ki Ahazia noḷongow kon inia kon tua.

DATU MITA 2 8:29 Mawu Ofanana

DATU MITA IMITÁNEA 22:34

Noikoḷatbí totok tontara in Siria tobatú nopopiot in piotnea, bo diábí in pinopotanaan. Táe piot tatua in noipiotdon kon i Ahab bo noiḷambai kon ḷambung in parangnea noitongkaná kon tondoḷannea. “Kinotugatandon in akuoi!” guman i Ahab kon mododia kon keretanea. “Pomurow bo diádon in akuoi ḷumuai kon poparangan!”

DATU MITA 2 10:13

noyodungkuḷ in sia in tongonumai in ginaḷum motoḷuadí i Ahazia datu in Yohuda. Sia in noḻibó, “Ki ine in moiko?” “Kami naa in ginaḷum motoḷuadí i Ahazia,” tubag monia. “Kami in mayá in Yizreel sin mokipodungkuḷ kon bayongan in motoḷuadí i datu takin adí bo ompu i Bokí Izebel.”

DATU MITA 2 8:28

Ki Datu Ahazia in sinumakin doman noparang noyotakin i Yoram datu in Israel nonayow kon i Hazael datu in Siria. Noparang in mosia kon Ramot, butá in Gilead. Kinekeban in ki Yoram kon pinoparangan tatua,

DATU MITA 2 9:1

Kon dodai intua ki Nabi Elisa nogoiní kon intau tobatú kon sigad in nabi mita inta sinundúnea bo noguman, “Posadiadon mayá in Ramot kon Gilead, bo diádon in botoḷ inta binonuan in ḷana zaitun tanaa.

DATU MITA 2 9:14

Natuata ki Yehu noyopopog noḷawang kon i Datu Yoram inta kon tungkuḷ intua kon Yizreel. Ki Yoram minayá intua sin mokiundam kon kekebnea mita inta nouḻínea kon pinoparangan kon Ramot nonayow kon i Hazael datu in Siria. Ki Yehu in noguman kon yobayatnea mita inta tongguḷu totokan in tontara, “Aka moibog in moiko sinbá akuoi in mobaḻí datu, yo ḷukadai sinbá diá tobatúmai in intau inta ḷumuai nongkon Ramot sin mopotaau kon intau mita kon Yizreel.”

YOSUA 19:18

Noibonu kon butá monia tua in: Yizreel, Khesulot, Sunem,