DATU MITA 2 8:24 - Alkitab Singog In Mongondow Masa In Tanaa

²⁴ Minatoi in sia bo iḷobong kon poḷoḷobongan kon datu mita kon Kotá i Daud. Ki Ahazia ki adínea in nobaḻí datu nomaḷui kon inia.

DATU MITA 2 8:24 Mawu Ofanana

DATU MITA IMITÁNEA 11:43

Onda intua minatoi in sia bo iḷobong kon kotá i Daud. Bo ki Rehabeam adínea ḷoḷaki in nobaḻí datu nonoḻiu kon inia.

DATU MITA IMITÁNEA 14:20

Doyowa nopuḷú bo doyowa notaong in koonggotnea in ki Yerobeam in nomarenta nobaḻí datu, onda intua minatoi in sia bo iḷobong. Ki adínea inta ki Nadab in tangoinea nomaḷui kon inia nobaḻí datu.

DATU MITA IMITÁNEA 14:31

Onda intua ki Rehabeam in minatoi bo iḷobong kon poḷoḷobongan kon datu mita kon kotá i Daud. Ki Abiam, ki adínea ḷoḷaki, nomaḷui kon inia nobaḻí datu.

DATU MITA IMITÁNEA 2:10

Onda intua ki Daud minatoi bo iḷobong kon kotá i Daud.

DATU MITA 2 10:13

noyodungkuḷ in sia in tongonumai in ginaḷum motoḷuadí i Ahazia datu in Yohuda. Sia in noḻibó, “Ki ine in moiko?” “Kami naa in ginaḷum motoḷuadí i Ahazia,” tubag monia. “Kami in mayá in Yizreel sin mokipodungkuḷ kon bayongan in motoḷuadí i datu takin adí bo ompu i Bokí Izebel.”

DATU MITA 2 15:38

Minatoi in sia bo iḷobong kon poḷoḷobongan kon datu mita kon kotá i Daud. Ki Ahas ki adínea in nobaḻí datu nonoḻiu kon iná.

DATU MITA 2 16:20

Ki Ahas in minatoi bo iḷobong kon poḷoḷobongan in datu mita kon kotá i Daud. Ki Hizkia ki adínea in nobaḻí datu nonoḻiu kon inia.

DATU MITA 2 8:23

Ouman ibanea soaḷ ki Yehoram in pinais kon bonu in buk Ouman in Datu mita in Yohuda.

DATU MITA 2 9:28

Pogawainea mita in nogamá kon awaknea bo dinatog monia kon kereta poḷat dinia minayá in Yerusalem bo iḷobong kon bonu in poḷoḷobongan kon datu mita kon kotá i Daud.

TAWARIKH 2 21:1

Ki Yosapat in minatoi bo iḷobong kon poḷoḷobongan kon Kotá i Daud. KI Yehoram ki adínea ḷoḷaki in nobaḻí datu nomaḷui kon inia.

TAWARIKH 2 21:17

Mosia in nonubu kon Yohuda, bo nogagow kon komaḻig in datu, bo nodia kon bayongan adí bo buḷoi i Yehoram saḷaku intau mita inta dinakop kon parang koḻikudbí in ki Ahazia ki adínea inta muit.

TAWARIKH 2 21:20

Diábí tobatúmai in nomanasaḷ in kinopatoiannea. Iḷobong in sia kon Kotá i Daud, táe deemanbí kon bonu in poḷoḷobongan in datu mita. Kon dodai in nobaḻí datu ki Yehoram in umur toḷu nopuḷú bodoyowá notaong, bo nomarenta in sia kon Yerusalem waḷu notaong in koonggotnea.

TAWARIKH 2 21:7

táe ki Tuhan in doíbí momutú kon datu inta nongkon buí i Daud sin Sia in nodandidon kon buí i Daud in umuranbí momarenta.

TAWARIKH 2 22:1

Kon pinonubuan tobatú in topaanan in intau in Arab, komintan ki adí ḷoḷaki i Yehoram kinoḻimodan, koḻikudbí in ki Ahazia. Tuamai in intau in Yerusalem noduí kon i Ahazia nobaḻí datu nonoḻiu kon i amánea.

TAWARIKH 2 22:6

bo nobui in sia kon kotá in Yizreel sin undaman, bo ki Ahazia in minayá noḷongow kon inia kon tua.

TAWARIKH 2 25:23

Ki Yoas in nodomok kon i Amazia bo dinia kon Yerusalem, bo nogumpag kon dinding in kotá tatua inta degá doyowamai nogatut nometer, pinangkoi nongkon Bonawang in Epraim nodapot in Bonawang Sikunea.