DATU MITA 2 8:21 - Alkitab Singog In Mongondow Masa In Tanaa

²¹ Tuamai, iḷumuaidon in ki Yehoram takin bayongan in kereta in parangnea nopobayá ná Zair. Kon tua kinopung in sia in tontara in Edom, táe naonda in nodoḷom monag sia takin tongguḷu totokan in tontara inta sinumakoi kon kereta nondangat kon kopungan in musung, bo tontara mita monia in noḷagui poḷat nobui kon baḷoinea-baḷoinea.

DATU MITA 2 8:21 Mawu Ofanana

SAMUEL 2 18:17

Onda intua mayat i Absalom binuat bo pinogonag kon bonu in parigí inta moonag kon kayuon. Parigí tatua binumbunan monia in batu nodapot in kinoḷantud. Bayongan tontara in Israel noḷagui nobui kon baḷoinea-baḷoinea.

SAMUEL 2 19:8

Onda intua sinimindogdon in ki datu bo iḻumuai, bo iḻimitú kon diug in ngara. Intaunea mita nokodongogdon kon sia in kon tua, bo namangoidon in mosia komintan kon tayowonnea. Bo kon dodai intua bayongan in tontara in Israel noḷaguidon mita, bo nobuidon kon baḷoinea-baḷoinea.

DATU MITA 2 14:7

Kon pinoparangan tobatú, ki Amazia in noḻimod kon 10.000 in tontara in Edom kon Ḷopá in Asin, bo nogagow kon kotá in Sela. Kotá tatua in sinangoiannea Yokteel. Dapot in tanaa mako kotá tatua in umuranpabí doman Yokteel in tangoinea.

LUKAS 21:20

“Aka ontongon monimu bo Yerusalem in kopungondon in tontara mita, yo kotaauandon monimu kon diádon moonggot bo poguyaatondon in kotá tatua.