DATU MITA 2 8:20 - Alkitab Singog In Mongondow Masa In Tanaa

²⁰ Kon bonu in pinomarentaan i Yehoram, Edom in nomarontak kon Yohuda bo nomia kon dodatuan tontaní.

DATU MITA 2 8:20 Mawu Ofanana

KINOBAḺIAN 27:40

Iko in mobiagdon nongkon pogaidanmu, táe mobaḻí bobantung i ai-aimu, táe aka iko momarontak, yo iko in moipilatdon nongkon kawasanea.”

SAMUEL 2 8:14

Noposindog in sia in ḷoḷaigan mita in tontara kon bayongan in Edom, bo intau mita in Edom tatua notoguondokdon kon inia. Ki Tuhan in nopountung kon i Daud kon ondaka in bayáannea poparangan.

DATU MITA 2 14:7

Kon pinoparangan tobatú, ki Amazia in noḻimod kon 10.000 in tontara in Edom kon Ḷopá in Asin, bo nogagow kon kotá in Sela. Kotá tatua in sinangoiannea Yokteel. Dapot in tanaa mako kotá tatua in umuranpabí doman Yokteel in tangoinea.

DATU MITA 2 3:26

Naonda in kinomangaḻeanneadon kon diádon in sia mokotongod, ki datu Moab in nodiadon kon 700 in tontaranea inta mopandoi moparang momaké in kedang, bo moḷongasi tumuot kon poḷoḷukadan in datu Edom, táe diá nokodapot.

DATU MITA 2 3:27

Tuamai in ginamáneadon in ki adínea ḷoḷaki inta guya-guyang bo pinosumbanea kon tudu in dinding in kotá nobaḻí sosumba kon i dewa in Moab. Dá noondokdon intau mita in Israel, dá inoinídon monia inumundok in tontara monia nongkon kotá tatua bo nobui kon butá monia.

DATU MITA 2 3:9

Dá nobuatdon in ki Datu Yoram noyotakin i datu in Yohuda bo i datu in Edom. Naonda in pitudon nosinggai in binayáan, kinodaitan in tubig in mosia, dá tontara monia bo bobiagon mogogakut kon pakakat monia in kinodaitandon in inumon.

DATU MITA 2 8:22

Nongkon dodaidon intua Edom diádon mokidongogmai kon Yohuda. Kon tungkuḷ doman intua kotá in Libna in nomarontak domandon.