DATU MITA 2 8:1 - Alkitab Singog In Mongondow Masa In Tanaa

¹ Kon wakutu tobatú ki Tuhan nopoangoi in bodito malarat in kaanon kon butá in Israel inta nobaḻí pitu notaong in koonggotnea. Kon tungkuḷ in diápa nobaḻí intua munadon pinotaau i Elisa intua kon bobay nongkon Sunem inta ki adínea in biniagneadon bui. Pinoki pomampingan domandon i Elisa in sia takin motoḷuadínea kon ḻipú ibanea.

DATU MITA 2 8:1 Mawu Ofanana

KINOBAḺIAN 12:10

Táe kon Kanaan koyogot in malarat moḷoben, tuamai ki Abram in minayápa bui in tampat inta moyayu-yayú nopobayá in toḷatan, kon butá in Mesir sin mogutun kon tua modapot in malarat tatua mopaḷut.

KINOBAḺIAN 26:1

Kon butá tatua nomukádon bui in malarat ná inta nokoimontandon in nobaḻí kon dodai i Abraham. Ki Ishak in minayá kon tayowon i Abimelek, datu intau in Pilistin kon Gerar bo nopoigum sinbá ogoinea mogutun kon tua.

KINOBAḺIAN 41:25

Bo ki Yusup noguman kon i datu, “Togoindop doyowa tatua notongkai in mangaḻenea; Ki Allah ain nopotaau kon i Tuangku onu in aidan-Nea.

KINOBAḺIAN 41:32

Togoindop i Tuang tua kodua nobaḻí, tua in mangaḻenea kon soaḷ tatua aindon sinantú i Allah bo ḷagidon aidan i Allah intua.

KINOBAḺIAN 41:54

Dá noitoḻiudon pitu notaong sempo in malarat, noyokaan totok ná inta ain pinotaau i Yusup. Kon bayongan tampat nobaḻídon in malarat, táe kon bayongan butá in Mesir nobarong in toibaḷun in kaanon.

KINOBAḺIAN 47:4

Kami namangoi sin mogutun kon butá tanaa, sin kon butá in Kanaan totokdon motoyang in malarat, dapot in diádon bonok kaanon in bobiagon bembé domba nami. Ogoidon in kami mogutun kon butá in Gosyen.”

SAMUEL 2 21:1

Kon tungkuḷ in ki Daud nomarenta, nobaḻídon in malarat moḷoben inta nobaḻí kon bonu in toḷu notaong nouput. Bo nopoigum in ki Daud in topotundú kon i Tuhan soaḷ tatua, bo ki Tuhan in noguman, “Malarat tatua in popisíbí in taḷá i Saul bo motoḷuadínea, mosia in noḻimodon kon intau mita in Gibeon.”

SAMUEL 2 24:13

namangoi in ki Gat kon tayowonnea bo nopotaau kon inia in parenta i Tuhan tatua, kainia, “Onda in piḻíon i Tuang datu: Butá tanaa koantugan in malarat diá in kaanon kon bonu in toḷu notaong, andeka ki Tuang datu in moḷagui sin aḷo-aḷowan mako in musung kon bonu in toḷu nobuḷan, andeka butá tanaa tubuon in takit kon bonu in toḷu nosinggai? Tantúdon kon tanaa mako onu inta mustiku potaau kon i Tuhan.”

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

DATU MITA IMITÁNEA 18:2

Dá nobuatdon in ki Elia. Kon dodai intua malarat in kaanon motoyangdon totok in kon Samaria.

DATU MITA 2 4:18

Naonda in adí tatua noitoidon, kon singgai tobatú kon sempo in pobatunan kon bungai in boyó, adí tatua in minayá kon i amánea inta kon gobá noyotakin in mororatab mita.

DATU MITA 2 4:36

Ki Elisa nopotabá kon i Gehazi nogoiní kon i iná in adí tatua, bo naonda in sinumuot in ki iná in adí tatua, nogumandon in ki Elisa kon inia, “Naa iná in ki adímu.”

DATU MITA 2 4:38

Kon wakutu tobatú nobaḻídon in bodito kinodaitan in kaanon kon bayongan in butá. Dá nobuidon in ki Elisa kon Gilgal. Naonda in sia motundúmai kon topaanan in nabi mita, nokigamá in sia kon bobantungnea in bejana moḷoben tobatú bo nodungú kon kaanon kon i monia.

DATU MITA 2 7:20

Natuata in nobaḻí kon intau tatua – minatoi in sia kinoritakan in intau mita kon bonawang.

DATU MITA 2 8:2

Inaidan in bobay tatua onu in pinoguman i Elisa, bo nobuat in sia minayá in butá in Pilistin sin mogutun kon tua.

MAZMUR 105:16

Ki Tuhan in nopoangoi in gogoy kon butá tatua, bo nogamá kon bayongan in tongkaaḷ in kaanon.

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

YEREMIA 25:29

Akuoi in momangkoidon kon porimumudan tatua nongkon kotá-Ku tontaní. Dika modapot in mosia in moguman kon mosia in diábí hukumon. Mosia in notantú bidon kon hukumon sin Akuoi in mopoangoibí in parang kon bayongan in bangusa kon sinangkub in dunia. Akuoi, ki Tuhan Inta Totok in mokawasa, ain nosingog.

IMAMAT 26:26

Moiko in kodaitan in kaanon, dá naa in mobaḻí: Bobay mopuḷú dongkadon tobatú in doḷuong sin potubáan kon roti inta kaanon monia. Kaanon tatua in pobuion doman, bo naonda in mokaan mako, umuranpa doman gogoyon in moiko.

AMOS 4:6

Akuoibí inta nopouma in bodito malarat in gogoy kon sinangkub in kotámu, táe moiko in diábí nobui mangoi kon i-Nakó.

HAGAI 1:11

Pinopoangoi-Kudon in inta mokoingkag kon butá bo kon tombuḷud mita, kon gobá mita in gandum bo kon buḷud mita in anggur bo kon gobá mita in zaitun, bo kon bayongan in pinomuḷa kon butá tanaa, nodapot in kon bayongan in intau bo mahaḷuk takin bayongan yagi-yagi inta iramuji monimu.”

LUKAS 21:11

Kon bayongan tampat mobaḻí in yagi-yagi. Ḻinug inta moropot totok, malarat moḷoben bo panyaki mita. Kon ḷangit mobaḻí in soaḷ mita inta totok in mokodoit.

LUKAS 21:22

Sin singgai mita tatua in ‘Singgai bidon Pohukuman’, sinbá mobaḻídon onu inta ain pinais kon bonu in Buk Motusi.

LUKAS 4:25

Táe indongogai in singog-Ku naa: kon tungkuḷ i Nabi Elia, wakutu in kinodaitan kaanon sin toḷudon notaong kapin in diá nonguya-nguyan. Wakutu intua noantó in dongkadon boba-bobay kon Israel.

OUMAN IN RASUL MITA 11:28

Kon sigad monia tua oyúon in ki Agabus in tangoinea. Sia in kinawasa in Roho i Allah bo sinimindog nopotaau kon mobaḻí in malarat moḷoben kon dunia naa. (Bo totuubí nobaḻí kon sempo ki Kaisar Klaudius in nomarenta.)

RUT 1:1

Kon tungkuḷ in Israel diápa in datu, butá in Kanaan kino antugan in roriga moḷoben nodapot in kinodaitan in kaanon. Kon dodai intua oyúon in ḷoḷaki tobatú tangoinea in ki Elimelekh. Sia in nongkon inanakan in Eprata, bo nogutun kon Betlehem kon butá in Yohuda. Popisí in kinoantugan roriga dapot in diádon in kaanon tatua, dá minayádon in sia kon butá in Moab takin i buḷoinea inta ki Naomi in tangoinea, bo ki adínea ḷoḷaki doyowa: ki Mahlon bo ki Kilyon. Bo nogutun in mosia kon Moab. Kon tungkuḷ in kon tuapa in mosia,