DATU MITA 2 7:15 - Alkitab Singog In Mongondow Masa In Tanaa

¹⁵ Minayá in mosia nodapot kon Ongkag in Yordan. Kinoouput in daḷan nokoontong in mosia kon pakeang bo pakakat mita positabud. Bayongan intua pinogambatdon mako natua in intau mita in Siria kon dodai in mosia noḷagui. Totabá mita tatua in nobui bo nopotaau intua kon i datu.

DATU MITA 2 7:15 Mawu Ofanana

DATU MITA 2 7:14

Dá nomiḻídon in mosia kon tongonumai in intau, bo pinoki diaandon i datu in mosia in kereta in parang doyowa bo minayá nonaridi mongo onu in nobaḻí kon tontara mita in Siria.

DATU MITA 2 7:16

Dá intau mita in Samaria noribatuk iḻumuai in kotá bo minayá nogagow kon pinononḷoḷaigan in intau in Siria. Pinodudui ná inta pinoguman i Tuhan, nobaḻídon kon toḷu nokilo in gandum inta totok in mopia andeka onom nokilo in gandum ibanea, boḻinea in doit saḷaka tobatú.

ESTER 1:7

Ki datu in noposadia in anggur inta mobarong totok inta binonu kon seré mita buḷawan inta noyagi-yagimai.

AYUB 2:4

Táe Ibilis in notubag,, “Dimukud bo awak mosehat in moḷobe-ḷoben in mangaḻenea nongkon kapunyaan. Intau in mokobaḻíbí in mobogoi kon bayongan kapunyaannea asaḷ bo umuran mobiag in sia.

MOHOHUTUBA 3:6

Ki Allah in nonantú kon wakutu mokodungkuḷ bo wakutu kobuḻian, wakutu motagú bo wakutu kinotaḷu-taḷuinea,

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YESAYA 22:24

Táe ginaḷum takin motoḷuadínea mita kon bonubí in totaaunea. Mosia in tongádon mopoandoḷ mako in kobiagan monia kon inia, naonda bo kuyon pinopobambé kon pakú.

YESAYA 31:7

Moiangoibí in wakutunea moiko komintan moḷumbú kon patong mita berhala nongkon saḷaka bo buḷawan inta pinomia monimu tontaní takin nopuḻing in dosa.

YEHEZKIEL 18:31

Gogaiaidon in bayongan inta moraat inta inaidan monimu bo pomayádon mako in gina bo raianmu motomobagu. Nongonu sin moiko in mustibí matoi?

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

IBRANI 12:1

Uḻe, soaḷ kita tontaní, kon ḻibumai naton naa in nobayongbí totok in nobaḻí sakusi! Manangka intua, koḻigai ḷumbúondon naton in bayongan inta mokoyoyiga kon i naton bo dosa inta umuran moikompit mako kon i naton. Bo koḻigai mositandingan in kita in mogaid kon onu inta pinoki aid kon i naton.