DATU MITA 2 6:29 - Alkitab Singog In Mongondow Masa In Tanaa

²⁹ Tuamai in dinungúdon nami in ki adíku bo kinaan nami. Nopoikoḷomai kon singgai naonda in inigumku sinbá dungúondon nami in ki adínea, binunineadon in adí tatua!”

DATU MITA 2 6:29 Mawu Ofanana

DATU MITA IMITÁNEA 3:26

Nokodongogmai kon parenta tatua, ki iná totok in adí tatua noguman, “Ampung, Tuang datu, dika ḻimodon in adí tatua. Ogoidon mako kon inia.” Ki iná tatua noguman natua sin motabi totok in sia kon i adínea. Táe bobay ibanea tatua in noguman, “Oo, pongkódon mako, bá tumpaḷa diá in mokouḻí in kaminda!”

YESAYA 49:15

Ki Tuhan in notubag, kai-Nia, “Degá iná tobatú mokoḻiong kon i adínea, bo diá motabi kon i adínea inoyod? Umpaka in sia mokoḻiong, Akuoi in diábí mokoḻiong kon inimu!

YESAYA 66:13

Akuoi in moḻipoi kon i monimu kon Yerusalem, naonda bo ki iná inta moḻipoi kon i adínea.

OMBAḶ 4:10

Totuu motoyang in bodito tatua inta noiantug kon umatku nodapot in iná mita inta gina moaḷus in noḷagádon kon i adínea tontaní sin kaanon pomonu kon sian.

IMAMAT 26:27

Bo aka motarima mako kon bayongan hukuman tatua bo umuranpa doman in moiko moḷawang kon i-Nakó bo doí doman dumudui kon i-Nakó,

IMAMAT 26:29

Moiko in gogoiondon totok, modapot in ki adí mita monimu kaanondon monimu tontaní.

ULANGAN 28:52

Mosia in monububí kon bayongan kotá kon butá inta inogoi i Tuhan Allahmu kon inimu dá dindingnea mita inta moḷantud bo kinoropot inta binaḻí monimu ḷamboi tua in mouuibi.

ULANGAN 28:53

Kon dodai in musungmu mita mongopung kon kotámu mita, moiko in kodaitandon in ropot in gina sin gogoiondon, dá moiko in mokaandon kon adímu mita tontaní, adí mita inta inogoi i Tuhan Allahmu kon inimu.