DATU MITA 2 6:23 - Alkitab Singog In Mongondow Masa In Tanaa

²³ Dá pinogaidan i datu in Israel kon rame moḷoben in mosia. Nopaḷut mako in mosia nongaan bo nonginum, pinotabáneadon in mosia nobui kon i datu in Siria. Pinangkoi kon tua intau mita in Siria nogogaidon in nonubu kon intau mita in Israel.

DATU MITA 2 6:23 Mawu Ofanana

DATU MITA 2 24:2

Ki Tuhan in nopotabá in banselang mita inta nomaké in touḷut in parang nongkon bangusa in Babel, Siria, Moab, bo Amon sin monayow kon i Yoyakin bo moyopú kon Yohuda, podudui kon onu inta ain pinoguman-Nea pinongin in nabi mita mogogundoi-Nea.

DATU MITA 2 5:2

Kon singgai tobatú intau in Siria nonubu kon butá in Israel. Kon pinonubuan tatua adí bobay tobatú in intau in Israel dinomok bo dinia nobaḻí intau inta dinakop kon parang, onda intua binaḻí bobantung i buḷoi Naaman.

TAWARIKH 2 28:15

Bo intau opat inta sinon itoi tatua sinimindog sin moindoi kon intau mita inta sinokodakop tatua. Mosia in nosilai kon ḷambung mita inta sinokoagow mita tatua kon intau mita inta sinokodakop inta moparaḷu. Mosia in nosilai doman kon sapatu, kaanon bo inumon. Intau mita inta sinokodakop inta pinaḻi-paḻían inundaman in ḷana zaitun. Inta diá mokomampu mayá, pinotakoi kon keledai, bo bayongan in intau mita inta sinokodakop tatua dinia kon Yerikho, kotá in pangkoi mita in kurma, sinbá motaaudon mobui kon ḻipú monia tontaní kon Yohuda. Nopaḷut mako kon tua intau in Israel nobui kon Samaria.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MATIUS 5:47

Bo aka moiko bo tongá doman mohoromat kon i utat mita, onubí in noiḻiu kon oaid in intau ibanea? Intau doman inta diá monotaau kon i Allah in mogaid doman kon natua!

LUKAS 6:35

Sabanarnea in deemanbí natua! Nanaabí in musti aidan monimu: Kotabibí in saturumu bo aidai in onu inta mopia kon i monia, bo popoḷuanaibí in mosia, táe donaai potayakan kon kauntungan in mosia. Aka natua in aidan monimu, yo moiko in motarimabí kon bungai in oaidmu inta moḷoben totok bo moiko in mobaḻí doman ki adí mita i Allah Inta Totok in moḷantud. Sin Sia in mopiabí doman kon intau mita inta diá motaau mosukur kon i Allah bo kon intau mita moraat.