DATU MITA 2 6:22 - Alkitab Singog In Mongondow Masa In Tanaa

²² “Dika,” tubag i Elisa. “Sin umpaka tontara inta dinakop i Tuang Datu kon parang in diábí doman iḻimod i Tuang datu, apa doman tanaa. Ogoiaidon in kaanon bo inumon in mosia, bo pomayádon mako in mosia mobui kon i datu monia.”

DATU MITA 2 6:22 Mawu Ofanana

KINOBAḺIAN 48:22

Kon inimubí nion, bo deemanbí kon i utatmu mita, ogoiku kon inimu in Sikhem, butá inta moḷumbá tatua inta ain inagowku nongkon intau mita in Amori takin kedang bo piotku.”

MAZMUR 44:6

Pinodoyon kon kawasa-Mu kami in nonaḷow kon musung nami, bo nopotungkud kon intau mita inta nonubu kon inami.

HOSEA 1:7

Táe bangusa in Yohuda in kotabi-Ku. Akuoi ki Tuhan, Allah monia, in moposaḷamatbí kon i monia, táe deemanbí pongin parang, deeman doman pongin kedang andeka piot andeka kabaḷo bo tumotakoinea.”

HOSEA 2:18

Kon dodai intua Akuoi in momia kon dodandian takin bayongan in mahaḷuk sinbá mosia in dika monuyayow kon umat-Ku. Akuoi mopogogaibí in bayongan parang bo moposí in pakakat mita in parang nongkon butá in umat-Ku tatua, bo momaḻí kon i monia mobiag motompia bo moaman.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

YOSUA 24:12

Kon dodai in moiko mayá monubu kon i monia, pinopoḻingú-Ku in mosia bo pinopogonúan in ondok, nodapot in datu in Amori taya dua tua noḷagui nongkon i monimu. Deemanbí kedangmu bo deemanbí doman piotmu in nokopountung kon i monimu.