DATU MITA 2 6:17 - Alkitab Singog In Mongondow Masa In Tanaa

¹⁷ Bo ki Elisa in nosambayang, “Tuhan, igumon mako bukatanmu in mata in bobantungku sinbá mokoontong in sia!” Dinuduian i Tuhan in sambayang i Elisa dá naonda in bobantungnea tatua nobobui, inontongnea in buḷud tatua nopuḻing in kabaḷo bo kereta takin tuḷú noḻibu noḷukad kon i Elisa.

DATU MITA 2 6:17 Mawu Ofanana

KINOBAḺIAN 21:19

Bo binaḻí i Allah notarang mata i Hagar, nodapot in sia nokoontongdon kon parigí tobatú. Dá minayádon in sia bo nomonu in tubig kon botutu kuḻit tatua, onda intua pinoinumneadon in adí tatua.

KINOBAḺIAN 32:1

Ki Yakub nongingguputdon kon bobayáannea. Bo tongonumai in malaekat namangoi kon inia.

KINOBAḺIAN 32:2

Naonda in ki Yakub nokoontong kon i monia, sia in noguman, “Naa ḷoḷaigan i Allah,” tuamai sinangoiannea in tampat tatua Mahanaim.

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

DATU MITA 2 2:11

Kobaya-bayá, umuran in taya dua mongonguman. Bo daḻídon in kereta inta kodoko-dokot inta inugut in kabaḷo namangoi nopoyoguat kon inayadua bo diniadon namonik in uḷu in tompot minayá in soroga in ki Elia.

MAZMUR 104:3

bo noposindog in Baḷoi-Mu kon tudu in tubig kon ḷangit. Goḷom mita binaḻí-Mu kereta-Mu, Iko in sinumakoi kon koḻikip in tompot.

MAZMUR 104:4

Tompot in binaḻí totabá-Mu, bo kilat in mobobantung-Mu.

MAZMUR 119:18

Bukádon in mataku sinbá mokoontong in akuoi kon totundú inta mokotongaw kon bonu in hukum-Mu.

MAZMUR 125:2

Naonda bo buḷud mita mogoḻingoi kon Yerusalem, natuata in ki Tuhan moḷukad kon umat-Nea tanaa mako modapot in kopaḷutannea.

MAZMUR 34:7

Intau nororiga in nokuani bo sinubagan i Tuhan, nopoḷuat kon inia nongkon bayongan in roriganea.

MAZMUR 68:17

Nongonu sin nongkon tudumu inta mobayong nion iko in mobobuibí takin intoi kon Buḷud in Sion inta piniḻí i Allah pogutunan-Nea? Ki Tuhan in mogutunbí kon tua modapot in mononoi.

MAZMUR 91:11

Ki Allah in mopotabábí in malaekat-Nea moḷukad kon inimu, sin mogoḻingoi kon inimu kon ondakabí in bayáanmu.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

YESAYA 42:7

Sin mobuká kon mata in intau bilog, bo mopoḷuat kon intau nongkon sindip in ponjara.

DANIEL 10:7

Tongábí akuoi tontaní in nokoontong kon oontongon tatua. Intau mita inta noyotakinku in diábí nokoontong kon tua, táe mosia in inangoian in ondok dá noḷagui bo nogadop.

ZAKHARIA 1:8

akuoi in nokoontong kon malaekat i Tuhan in sinumakoi kon kabaḷo nopura tobatú. Sia in sinumogon kon ḷopá tobatú kon sigad in pangkoi mita in murad. Kon tumineamai sinimindog doman in tongonumai in kabaḷo ibanea, oyúon in nopura, inta nokasumba, bo inta nobudó.

PINOGIAPAN 22:31

Bo binukádon i Tuhan in mata i Bileam dá inontongneadon in malaekat i Tuhan sinimindog kon tua kokada-kadai in pitow inta ain sinonggó. Dá baḷúdon in ki Bileam dinumokó bo nosumba.

MATIUS 26:53

Andeka iraimumai yo degá Akuoi in diábí motaau mokituḷung kon i Amá-Ku, bá ḷagi-Nea potabá mangoi in noiḻiu kon mopuḷú bodoyowá in tontara malaekat motuḷung kon i-Nakó?

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

EPESUS 1:18

Poigumonku doman kon i Allah, sinbá bukáan-Nea in raian monimu sahingga in mobayagdon bo komangaḻeandon monimu in onu inta motaau harapon monimu nongkon i Allah inta nogoiní kon i monimu. Bo bá kotaauandon doman monimu kon mobayongbí totok in barakat mopia inta sinadia i Allah kon umat-Nea;

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.

WAHYU 19:14

Bayongan tontara in soroga dinumudui kon i-Nia; mosia in sinumakoi kon kabaḷo mita nobudó, bo nomaké in ḷambung moaḷus inta totok in nobudó.

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.