DATU MITA 2 5:19 - Alkitab Singog In Mongondow Masa In Tanaa

¹⁹ Guman i Elisa, “Bayádon takin saḷamat.” Bo minayádon in ki Naaman. Diá noonggot naonda in ki Naaman nobuat,

DATU MITA 2 5:19 Mawu Ofanana

KINOBAḺIAN 35:16

Nopaḷut mako kon tua ki Yakub bo rombongannea nonaḷámaidon kon Betel. Tungkuḷ in mosia noḻin yayúpa nongkon Eprata, noyaputdon in wakutunea ki Rahel mononggadí. Táe totokdon in mororiganea pononggadí in adí tatua.

IḶUAIAN 4:18

Nopaḷut mako kon tua ki Musa nobui kon baḷoi i Yitro, ki nunutonnea, bo noguman kon inia, “Ogoiaipa akuoi in wakutu mobui kon Mesir sin mayá moindoi kon i utatku mita bo moindoi doman mongo nongobiagpa in mosia.” Ki Yitro in noguman kon i Musa, “Bayádon takin pia-pia mako.”

MARKUS 5:34

Dá ki Yesus in noguman kon bobay tatua, “Adí-Ku, popisí in iko bo mopirisaya kon i-Nakó dá nopia in iko! Bayádon takin saḷamat, iko in totu-totuudon nopia!”

LUKAS 7:50

Ki Yesus in bui noguman kon bobay tatua, nanaa, “Pirisayamu ain nokosaḷamat kon inimu. Bayádon iko takin saḷamat!”

LUKAS 8:48

Ki Yesus in noguman kon bobay tatua, “Adí-Ku, pirisayamu ain nokosaḷamat kon inimu. Bayádon takin saḷamat.”

YOHANES 16:12

Mobayongpabí in musti poguman-Ku kon i monimu, táe tanaa mako in diápa mokosanggup in moiko in motarima kon tua mita.

KORINTUS 1 3:2

Koḻipod in moiko tongápabí pinokaankumai in kaanon adí mointok, deemanpabí kaanon intau inta noguyangdon sin diápa in moiko mokomampu in mokaan kon natua. Táe umaaipa doman masa in tanaa natuapa doman in moiko,

SAMUEL 1 1:17

Bo ki Eli in noguman, “Aka natua yo pobuidon takin saḷamat. Igumon mako ki Allah in Israel mokidongog kon onu in pinoigummu.”

SAMUEL 1 25:35

Nopaḷut mako kon tua ki Daud notarima kon bayongan inta dinia i Abigail kon inia, bo noguman kon inia, “Pobuidon kon baḷoimu bo dikadon moḻia-ḻiaw in gina. Onu inta pinoigummu in duduiankubí.”