DATU MITA 2 4:42 - Alkitab Singog In Mongondow Masa In Tanaa

⁴² Kon wakutu ibanea doman, ḷoḷaki tobatú in namangoi nongkon Baal-Salisa. Pinodiaannea mangoi in ki Elisa kon gandum inta bagupa iratab bo roti doman doyowa nopuḷú inta pinomia nongkon gandum bungainea dungkuḷ totok kon taong tatua. Pinoki silai i Elisa in roti mita tatua kon nabi mita tatua,

DATU MITA 2 4:42 Mawu Ofanana

DATU MITA IMITÁNEA 14:3

Podiaaidon in sia kon roti mopuḷú, kukis topiḻik bo biluk tobotoḷ. Ḻibódon kon inia onu in mobaḻí kon i Abia, adí naton. Potaaubí in nabi tatua kon inimu.”

DATU MITA 2 4:38

Kon wakutu tobatú nobaḻídon in bodito kinodaitan in kaanon kon bayongan in butá. Dá nobuidon in ki Elisa kon Gilgal. Naonda in sia motundúmai kon topaanan in nabi mita, nokigamá in sia kon bobantungnea in bejana moḷoben tobatú bo nodungú kon kaanon kon i monia.

DATU MITA 2 5:5

Ki datu in noguman, “Mopia, bayádon kon i datu in Israel. Bain momais kon surat in akuoi kon inia.” Dá nobuatdon in ki Naaman kodia-dia in doit saḷaka 30.000, doit buḷawan 6.000, bo mopuḷú nogapang in ḷambung inta mongopia.

DATU MITA 2 7:1

Ki Elisa in notubag, “Indongogaipa in onu inta pinoguman i Tuhan! Ikoḷom, degá ná orasmai tanaa, takin tongá momaké in doit saḷaka tobatú intau in mokotaḷuibí kon toḷu nokilo in gandum inta totok in mopia andeka onom nokilo in gandum ibanea mako.”

IḶUAIAN 23:16

Aidai domandon in Pesta Posipunan kon Boyó kon dodai in moiko momangkoidon monoinut kon bungai in boyó dungkuḷ kon gobámu. Aidai doman in Pesta Pondok Daun kon buit in taong kon dodai in moiko mosipun kon boyó in anggur bo ayop mita.

PINOGIAPAN 18:12

Ogoi-Ku kon inimu in bayongan inta totok in mopia nongkon bungai in boyó dungkuḷ inta pinosumba in intau Israel kon i-Nakó pomuḷoi in taong, tuata in ḷana zaitun, tubig in anggur bo gandum.

PINOGIAPAN 18:13

Bayongan intua in nobaḻídon silaimu. Bayongan tombonu in baḷoimu inta diá nonajis motaaubí mokaan kon tua.

YOHANES 6:13

Bo sinipun monia. Nosipun magí mopuḷú bo doyowa nokompé ki agat in kaanon inta tongá nongkon roti ḻima nobatú bo pinokaan kon intau mobayong tatua.

YOHANES 6:9

“Kon naa oyúon in adí ḷoḷaki inta nodia kon roti ḻima nobatú bo toyá doyowa nobungá. Táe diábí pongonu aka kon intau moantó tanion?”

KORINTUS 1 9:11

Kami ain nopotaau kon i monimu in Habar Mopia nongkon i Tuhan. Tuamai kami in nokouḻí kon barakat moantó nongkon i monimu. Yo degá noiḻiudon antó in inigum nami kon i monimu?

GALATIA 6:6

Intau inta notarima kon totundú i Kristus, musti mosilai doman kon i gurunea kon bayongan inta mopia, inta oyúon kon inia.

ULANGAN 12:6

Kon tampat tatuata in podiaan monimu kon kuruban payongon takin kuruban mita ibanea, sosumba mopuḷú noporosenmu takin sosumba mita ibanea, kuruban poguboḻi kon dandimu, kuruban ibogmu tontaní bo adí in sapi bo bembé dombamu inta muna pinogadí.

ULANGAN 32:14

Sapi bo bembé domba monia mobogoi in susu inta mobarong; bobiagon monia totok in mongopia, gandum bo tubig in anggur monia in totok mopia.

ULANGAN 8:8

Butá tatua nobogoi in noyagi-yagimai in gandum, anggur, bungai in ara, bungai in delima, pangkoi in zaitun bo biluk.

SAMUEL 1 9:4

Bo ki Saul takin bobantungnea noḻibu kon buḷud in Epraim bo butá in Salisa, táe diá nouḻí monia in bobiagon mita tatua. Onda intua minayá in mosia kon butá Sahalim, táe diábí doman in keledai mita tatua in kon tua. Mosia in minayá doman notayak kon butá in Benyamin, táe diábí doman in mangaḻenea.

SAMUEL 1 9:7

Guman i Saul, “Aka mayá in kita mokipodungkuḷ kon inia yo onu in ogoi naton kon inia? Tongkaaḷ inta dinia naton nodaitdon, bo diádon in motaau ogoi naton kon mogogundoi i Allah tatua!”