DATU MITA 2 4:35 - Alkitab Singog In Mongondow Masa In Tanaa

³⁵ Nobangon in ki Elisa bo nodondaḷoi kon bonu in gopot tatua, onda intua bui sinumongkob kon awak in adí tatua. Imbuitnea nobaan kopitu in adí tatua, bo binukáneadon in matanea.

DATU MITA 2 4:35 Mawu Ofanana

DATU MITA IMITÁNEA 17:21

Nopaḷut mako kon tua kotoḷu sinongkoban i Elia in adí tatua, poḷat doman nosambayang, “OoTuhan, Allahku, biagpa kaasí in adí tanaa!”

DATU MITA IMITÁNEA 17:22

Inindongogan i Tuhan in sambayang i Elia; adí tatua in nomangkoidon nogina bo buidon nobiag.

DATU MITA IMITÁNEA 18:43

Bo sia in noguman kon bobantungnea, “Potakodon kon tudunea totok bo indoidon ná dagat.” Bobantungnea tatua notakod, bo nobui noguman, “Diábí onu bo onu in inontongku.” Nodapot in kopitu in ki Elia in nopotabá kon bobantungnea tatua nosiḻig notakod sin mayá moindoi.

DATU MITA 2 13:21

Kon singgai tobatú kon dodai in tongonumai in intau moḷobongmai kon intau minatoi, daḻídon in mosia nokoontong kon banselang in Moab namangoi. Baḷúdon in mosia nopogambat mako naníon in mayat tatua kon bonu in pinoḷobongan kon i Elisa bo noḷagui. Naonda in mayat tatua noiḻiai kon tuḷan i Elisa, mayat tatua in nobiag bui bo sinimindog.

DATU MITA 2 4:36

Ki Elisa nopotabá kon i Gehazi nogoiní kon i iná in adí tatua, bo naonda in sinumuot in ki iná in adí tatua, nogumandon in ki Elisa kon inia, “Naa iná in ki adímu.”

DATU MITA 2 5:10

Ki Elisa in nopotabá kon bobantungnea sin moguman nanaa kon i Naaman, “Bayádon Tuang poinggú bo dumoḷop kopitu kon Ongkag in Yordan, dá totu-totuubí kon mopia in ki Tuang.”

DATU MITA 2 5:14

Tuamai in minayádon in ki Naaman kon Ongkag in Yordan, bo noponag kon tubig tatua poḷat dinumoḷop kopitu ná inta pinoguman i Elisa. Dá nopiadon in ki Naaman. Nosehatdon bui in awaknea naonda bo awak in tayowmobiag.

DATU MITA 2 8:1

Kon wakutu tobatú ki Tuhan nopoangoi in bodito malarat in kaanon kon butá in Israel inta nobaḻí pitu notaong in koonggotnea. Kon tungkuḷ in diápa nobaḻí intua munadon pinotaau i Elisa intua kon bobay nongkon Sunem inta ki adínea in biniagneadon bui. Pinoki pomampingan domandon i Elisa in sia takin motoḷuadínea kon ḻipú ibanea.

DATU MITA 2 8:5

Bo noitongkaná kon dodai in bobay nongkon Sunem tatua namangoi kon i datu sin mopotaau in oigumnea, ki Gehazi in koyogot mongonguman kon naonda in pinomomiag bui i Elisa kon adí inta ain minatoi tua. Dá ki Gehazi in noguman, “Tuang Datu inta momulia, naa in bobay tatua, bo naa in ki adínea inta biniag bui i Elisa!”

LUKAS 8:55

Bo nobuidon mangoi in dimukud in adí tatua, bo kon dodaipa doman intua nobiag bui in adí tatua bo poḷat sinimindog. Ki Yesus nokipokaan in adí tatua.

OUMAN IN RASUL MITA 9:40

Táe nodaitnea pinoki ḷuaian in mosia kon gopot tatua, bo sia in sinumungkud nosambayang. Nopaḷut mako nosambayang, nobobui in sia kon mayat tatua bo noguman, “Tabita, pobangondon!” Dá ki Dorkas nobukádon kon mata, bo naonda inontongnea in ki Petrus, bango-bangon in sia bo iḻimitú.