DATU MITA 2 4:33 - Alkitab Singog In Mongondow Masa In Tanaa

³³ Iḻingkopan i Elisa in ḷoḻingkop bodongka nosambayang kon i Tuhan.

DATU MITA 2 4:33 Mawu Ofanana

DATU MITA 2 4:32

Naonda in noiyaput kon baḷoi in bobay tatua, ki Elisa tontaní in sinumuot kon gopotnea bo nokoontong kon mayat in adí tatua noiuḻid mako kon tosiugan.

DATU MITA 2 4:4

Onda intua ki iná bo ki adí mita i iná in tuotdon kon bonu in baḷoi bo ḻingkopai in ḷoḻingkop. Aḻindon in ḷana nongkon botoḷ nointok tatua kon bonu in botoḷ mita tatua, bo potondídon onda inta ain nopuḻing.”

DATU MITA 2 5:11

Nokodongogmai kon tua, sinumorú in ki Naaman bo noguman, “Kon inakó kamai dá siabí tontaní in ḷumuai bo mokipodungkuḷ kon inakó, bo mosambayang kon i Tuhan, Allahnea, bo moyapu kon awakku inta kinotugatan in takit tatua bo mopiadon in akuoi.

DATU MITA 2 6:20

Kon tungkuḷ in mosia tumuotdon kon kotá tatua, ki Elisa in nosambayang, “Tuhan, bukápa in mata monia sinbá mokoontongdon in mosia.” Dinuduian i Tuhan in sambayang i Elisa, binuká-Neadon in mata in intau mita tatua dá noherangdon in mosia in nonotaaumai kon mosia in kon kotádon in Samaria.

MATIUS 6:6

Táe aka iko bo mosambayang, tuotdon kon gopot, bo kunsíai in ḷoḻingkop bodongka mosambayang kon i Amámu inta kon tampat noibuni. Dá ki Amámu inta nokoontong kon inimu in mobogoibí kon onu inta koibogmu.

LUKAS 8:51

Noiyaputmai kon baḷoi i Yairus, diá tobatúmai intau ibanea inogoi i Yesus dinumudui kon i-Nia sinumuot in gopot, koḻikudbí in ki Petrus, ki Yohanes, bo ki Yakobus takin ki iná bo ki amá in adí tatua.

OUMAN IN RASUL MITA 9:40

Táe nodaitnea pinoki ḷuaian in mosia kon gopot tatua, bo sia in sinumungkud nosambayang. Nopaḷut mako nosambayang, nobobui in sia kon mayat tatua bo noguman, “Tabita, pobangondon!” Dá ki Dorkas nobukádon kon mata, bo naonda inontongnea in ki Petrus, bango-bangon in sia bo iḻimitú.