DATU MITA 2 4:31 - Alkitab Singog In Mongondow Masa In Tanaa

³¹ Ki Gehazi in inumunadon kon i monia sin mopoukat in tungkud i Elisa kon awak in adí tatua, táe diábí in singog andeka tomponuot ibanea kon mobiag in adí tatua. Bo minayádon in ki Gehazi nokipodungkuḷ kon i Elisa bo noguman, “Diábí nobangon in adí tatua.”

DATU MITA 2 4:31 Mawu Ofanana

DATU MITA IMITÁNEA 18:26

Dá nomiḻídon in mosia kon sapi tobatú bo sinadiadon. Nopaḷut mako kon tua mosia in nosambayangdon kon i Baal nongkon doḷo-doḷom nodapot in noutu in singgai sindaḷan momaḷu-maḷú, “Tubagaidon in kami, Baal!” Inaidan monia intua poḷat doman motayok bo moḻibu kon mezbah monia. Táe totokbí in diá in tubagnea.

DATU MITA IMITÁNEA 18:29

Natuata in inaidan monia nodapot in ḷoḷabungnea naonda bo intau inta kinotapanan. Táe diábí doman in notubag, diábí in noindoimai.

DATU MITA 2 4:32

Naonda in noiyaput kon baḷoi in bobay tatua, ki Elisa tontaní in sinumuot kon gopotnea bo nokoontong kon mayat in adí tatua noiuḻid mako kon tosiugan.

DATU MITA 2 5:20

ki Gehazi bobantung i Elisa, in norai, “Nongonu sin pinomayábí mako in sia in minayá takin diá noguboḻi? Sabanarnea in mustibí in ki tuangku motarima kon onu in ogoi in intau in Siria tatua! Podoyon kon i Tuhan inta nobiag, mustibí batukonku in sia bo moigum kon onu inta oyúon kon inia!”

DATU MITA 2 8:1

Kon wakutu tobatú ki Tuhan nopoangoi in bodito malarat in kaanon kon butá in Israel inta nobaḻí pitu notaong in koonggotnea. Kon tungkuḷ in diápa nobaḻí intua munadon pinotaau i Elisa intua kon bobay nongkon Sunem inta ki adínea in biniagneadon bui. Pinoki pomampingan domandon i Elisa in sia takin motoḷuadínea kon ḻipú ibanea.

AYUB 14:12

natua doman in intau inta ain minatoi: sia in diá bidon mokobangon bui. Sia in diá bidon mokopondam kon wakutu in ḷangit oyúonpa, diá bidon mobango-bangon nongkon pinosiugannea.

YEHEZKIEL 14:3

“Ei intau inta ilo-ilow, intau mita tanaa in noposarakandon in awaknea mita kon berhala nodapot in mosia in irumobudon kon dosa. Yo umpaka dá moibog in Akuoi poḻibóan monia?

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

MARKUS 5:39

Dá ki Yesus in sinumuot bo noguman, “Nongonu sin moiko in modowawábí bo mongombaḷ? Adí tatua in diábí minatoi; tongábí in sia nosiug!”

YOHANES 11:11

Natua in pinoguman i Yesus. Noiduduimai kon tua noguman bui in Sia, “Ki utat naton ki Lazarus aindon nosiug, táe bayáan-Kubí bangonon in sia.”

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

SAMUEL 1 14:37

Bo noḻibódon in ki Saul kon i Allah, “Motaau degá in akuoi monubu kon intau in Pilistin? Degá ogoi-Mudon in mosia kon bonu in kawasa in intau in Israel?” Táe diábí sinubagan i Allah in sia kon singgai tua.

SAMUEL 1 28:6

Bo nopoigum in sia in totundú kon i Tuhan, táe ki Tuhan in diábí notubag kon inia, pinomayá pinongin togoindop, andeka pinongin Urim bo Tumim andeka pinongin nabi mita.