DATU MITA 2 4:28 - Alkitab Singog In Mongondow Masa In Tanaa

²⁸ Bobay tatua in noguman, “Amá, akuoi in diábí nopoigum in adí kon i Amá. Pinogumanku domandon kon i amá kon donaaidon mobogoi in kamang inta diá in mangaḻenea kon inakó.”

DATU MITA 2 4:28 Mawu Ofanana

KINOBAḺIAN 30:1

Táe ki Rahel in diápa doman kogadí. Manangka intua nointoidon in sia kon i guya-guyangnea, bo sia noguman kon i Yakub, “Ogoiaidon akuoi in adí, aka diá, yo akuoi in simimpatoidon.”

DATU MITA 2 4:16

Bo ki Elisa in noguman kon inia, “Taong moiduduimai, kon oras ná tanaa, ki iná in mokoyot bidon kon adí mointok ḷoḷaki.” “Amá, dika monguboḷ!” guman in bobay tatua. “Ki Amá naa in mogogundoi i Allah!”

DATU MITA 2 4:29

Ki Elisa in nobobui kon i Gehazi bo noguman, “Koḻikat! Gamá in tungkudku bo ḷagidon bayá kon baḷoi i iná tanaa. Dikadon mogogai bo momahasa kon i ineka in moyodungkuḷmu kon daḷan. Aka oyúon in intau momahasa kon inimu yo dikadon mokopoonggot in motubag kon tua. Naonda in yaputmu, ukatdon in tungkudku kon awak in adí tatua.”