DATU MITA 2 4:25 - Alkitab Singog In Mongondow Masa In Tanaa

²⁵ Dá nobuatdon in bobay tatua minayá in Buḷud in Karmel kon tampat i Elisa. Nongkon noyayúpa inontongdon i Elisa in bobay tatua nopoangoi. Ki Elisa in noguman kon i Gehazi, “Indoiai, ki iná nongkon Sunem tatua in namangoi!

DATU MITA 2 4:25 Mawu Ofanana

DATU MITA IMITÁNEA 18:19

Tanaa, parentaaidon in bayongan rayat in Israel sin moyodungkuḷku kon Buḷud in Karmel. Dia doman in opat nogatut bo ḻima nopuḷú in nabi Baal bo opat nogatut in nabi i Dewi Asyera tatua inta inuboḻian i Izebel ki buḷoi datu!”

DATU MITA IMITÁNEA 18:42

Bo ki Ahab in minayádon nongaan, bo ki Elia in notakod kon tudu in Buḷud in Karmel. Kon tua sinumungkud in sia noidapot in pogotnea kon butá kon sigad in duḷudnea doyowa.

DATU MITA 2 1:9

Bo pinotabáneadon in porwira tobatú takin ḻima nopuḷú in intaunea sin mayá modomok kon i Elia. Porwira tatua in minayá bo nokotambak kon i Elia ḻimitú mako kon buḷud tobatú. “Ei, mogogundoi i Allah,” guman in porwira tatua, “pinoki siḻigan i datu in iko!”

DATU MITA 2 2:25

Ki Elisa in nongingguputdon kon bobayáan minayá in Buḷud in Karmel, onda intua nobui kon Samaria.

DATU MITA 2 4:24

Naonda in pinopoḷutudneadon in ḷoḻitúan kon keledai tatua, noguman in sia kon bobantungnea, “Untundon in keledai tanaa sinbá ḻimikat totok in sia; dika oḷoian aka diá pogumanku.”

DATU MITA 2 4:26

Koḻikatdon bayá pokipodungkuḷai in sia bo ḻibó mongo naonda in kaadaan in motoḷuadínea.” “Mopiabí komintan,” guman in bobay tatua kon i Gehazi.

DATU MITA 2 4:27

Táe naonda in noiyaput kon tayowon i Elisa, sinumungkud in sia bo ginumakap kon sioḷ i Elisa. Táe dinimiugdon in ki Gehazi sin mopotabá kon inia mayá nongkon tua, táe noguman in ki Elisa, “Biódon mako! Koontongan kon morobonoḷ totok in dodobnea. Táe diábí in pinotaau i Tuhan kon inakó!”

DATU MITA 2 5:20

ki Gehazi bobantung i Elisa, in norai, “Nongonu sin pinomayábí mako in sia in minayá takin diá noguboḻi? Sabanarnea in mustibí in ki tuangku motarima kon onu in ogoi in intau in Siria tatua! Podoyon kon i Tuhan inta nobiag, mustibí batukonku in sia bo moigum kon onu inta oyúon kon inia!”

DATU MITA 2 8:4

Kon dodai intua ki Gehazi bobantung i Elisa pinoki oumanandon i datu kon bayongan inta mokoherang inta inaidan i Elisa.

YESAYA 35:2

Padang gurun in kobiagandon in yagi-yagi, bo mopodondong in dondong mita mosanang. Kogaganea in naonda bo Buḷud in Libanon, koḷoḷumbánea in naonda bo Ḷopá in Karmel bo Saron. Dá bayongan in intau in mokoontongbí kon kawasa i Tuhan, bo kamuliaan i Allah naton.