DATU MITA 2 25:5 - Alkitab Singog In Mongondow Masa In Tanaa

⁵ Táe tontara in Babel in nogaḷow kon i Datu Zedekia, bo dinomok monia kon rata in Yerikho. Bayongan in intaunea noḷagui nonaḷámai kon inia.

DATU MITA 2 25:5 Mawu Ofanana

DATU MITA 2 25:4

dinding in kotá dinangatandon in musung. Doḷom tua, umpaka intau in Babel koyogot mongopung kon kotá tatua, bayongan in tontara in Yohuda noḷagui nopobayá in Ḷopá in Yordan. Mosia in nongin taman in komaḻig, bo iḻumuai nongin bonawang inta nopoyoguput in dinding doyowa tatua.

DATU MITA 2 25:6

Onda intua ki Datu Zedekia in dinia kon i Datu Nebukadnezar kon kotá in Ribla, bo pinopoḷabúan in hukuman.

YESAYA 30:16

Nodapotbí in moiko nomiabí kon tomayá sin moḷagui nongkon musung tumakoi kon kabaḷo inta moḻikat. Mopia! Totuu moiko in mustibí moḷagui! Kai monimu kamai dá kabaḷomu tua in tugatbí in koḻikatnea, bokaka mogogaḷumubí in moḻika-ḻikat nongkon i monimu.

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

YEREMIA 24:8

Táe ki Zedekia datu in Yohuda, takin pojabat mita inta modagin kon inia, bo ki agat in intau in Yerusalem inta umuran nogutun kon bonu in butá tanaa andeka inta nomamping kon Mesir, mosia komintan in aidan-Kubí ná bungai in ara inta nongoburuk tanaa, inta diá motaau kaanon. Akuoi, ki Tuhan, ain nosingog.

YEREMIA 34:3

Iko in diábí mokoḷagui, táe domokonbí bo ogoi kon inia. Iko in moyodungkuḷbí bo mongonguman takinnea, bo iko in mayá in Babel.

YEREMIA 39:5

Táe dinuduran in tontara in Babel in mosia bo nodomok kon i Zedekia kon ḷopá in Yerikho. Onda intua sia in dinia kon i Datu Nebukadnezar kon kotá in Ribla kon daerah in Hamat, bo pinopoḷabúan in hukuman minatoi.

YEREMIA 52:8

Táe tontara in Babel nondudur kon i Zedekia, bo nodomok kon inia kon ḷopá in Yerikho. Bayongan in intaunea noḷagui nonaḷámai kon inia.

OMBAḶ 1:3

Intau mita in Yohuda in nonaḷámaidon kon butánea, popisí in sinonggata bo totokdon in mororiga. Tanaa in mosia in nogutundon kon yua-yuak in bangusa mita takin diá in tampat inta mobogoi in kobiagan motompia. Musung mongopung kon i monia kon dodai in mosia nororiga.

OMBAḶ 1:6

Kinoḷoḷoben in Yerusalem in dongkadon nobaḻí ouman. Itoinea mita in nobaḻídon noyangkó naonda bo rusa inta totok in ginogoi. Mosia in diádon mokopongonu kon musung inta nondudur.

YEHEZKIEL 12:14

Bayongan in mogogutun kon komaḻig, takin doman monononggina bo moḷoḷukad i datu tua in porariton-Kubí kon bayongan in tampat. Mosia in duduran-Kubí bo ḻimodon.

YEHEZKIEL 17:21

Tontaranea inta totok in mopia in matoibí kon poparangan, bo inta mokoḷagui in moiraritdon magí mako. Dá kotaauandon in umat-Ku kon Akuoi, ki Tuhan ain nosingog.”

YEHEZKIEL 19:1

Ki Allah in nokipodondong kon inakó in dondong oamui tanaa kon i adí ḷoḷaki i datu in Israel taya dua: