DATU MITA 2 25:12 - Alkitab Singog In Mongondow Masa In Tanaa

¹² Táe tongosilai in rayat inta totok in mobogá bo inta diá kokapunyaan in sinaḷáannea kon Yohuda bo pinoki ḷukadannea in gobá in anggur bo gobá mita in tudunea.

DATU MITA 2 25:12 Mawu Ofanana

YEREMIA 40:7

Ki Datu in Babel ain noduí kon i Gedalya nobaḻí gubernur kon Yohuda sin momarenta kon bayongan intau inta nogutunpa kon Yohuda, intau mita inta nobiag totok in nobogá. Tongosilai nongkon porwira mita bo tontara in Yohuda inta diá sinumungkud kon intau in Babel, nokodongogdon kon pinoduían kon i Gedalya tua.

DATU MITA 2 24:14

Ki Datu Yoyakhin, ki inánea, ki buḷoinea mita, pogawainea mita, bo itoi mita in Yohuda – kobayong monia komintan in 7.000 in intau inta ihoromat – dinomok bo dinia pinobayá in Babel. Noitakin doman in intau mita inta mopandoi mogaid bo mononontaḷ kobayongnea in 1.000 in intau, komintanbí intau mita inta moropot bo inta mongobarani moparang. Intau mita buí in datu, bo intau mita inta ihoromat in dinia doman minayá in pinoḷumbúan – kobayong monia tua in 10.000 in intau. Gogió bo bayongan in intau inta nogutun kon Yerusalem in dinia; inta kinotaḷáan in dongkadon rayat inta nobiag nobogá totok.

YEHEZKIEL 33:24

“Ei intau ilo-ilow, intau mita inta nogutun kon apug in kotá mita kon butá in Israel tatua in noguman, ‘Ki Abraham in nokouḻí kon nobayong in butá, bokaka sia in tongábí sia-sia mita. Kita naa in nobayong, dá butá tanaa in nobaḻídon kapunyaan naton.’ ”

YEREMIA 52:16

Táe tongosilai nongkon rayat inta totok in nobogá bo diá koonu bo onu, in sinaḷáannea kon Yohuda, bo mosia komintan in nonompia kon gobá in anggur bo gobá mita in tudunea.

YEREMIA 39:10

Tongobotak in rayat inta totok in nobiag bogá bo inta diá kokapunyaan, sinaḷáan kon Yohuda bo inogoian in gobá in anggur bo gobá in tudunea.

TAWARIKH 2 24:14

Naonda in oaidan tatua nopaḷut, buḷawan bo saḷaka inta ḻiunea kon tua in inogoi kon i datu bo kon i Yoyada. Bo buḷawan bo saḷaka tatua pinaké pinogaid kon pakakat mita in Baḷoi Tuhan, kon sigadnea: pakakat mita inta pakéon kon upacara ibada, pakéon kon kuruban payongon, pindan mita inta potuduan kon dupa, bo palo mita. Kon bonu in nobiagpa in ki Imang Yoyada, kuruban payongon tantúbí pinosumba kon Baḷoi Tuhan.

NEHEMIA 1:2

Kon tungkuḷ intua, ki utatku ki Hanani, namangoi nongkon Yohuda noyotakin in tongonumai in intau. Bo iḻibóku kon i monia in kaadaan kon Yerusalem bo intau mita in Yahudi inta ain nobui nongkon pinoḷumbúan kon Babel.

YESAYA 24:6

Tuamai in ki Tuhan ain nongutuk kon butá bo nohukum kon intaunea popisí in aid monia. Mosia in pinokak bo tongá topiḻik in nongkon i monia in nosaḷamat.