DATU MITA 2 25:1 - Alkitab Singog In Mongondow Masa In Tanaa

¹ Onda intua ki Zedekia in nomarontak kon i Nebukadnezar datu in Babel. Tuamai in ki Nebukadnezar takin bayongan in tontaranea namangoi bo nonubu kon Yerusalem kon singgai impuḷúnea kon buḷan noginpuḷú kon taong noginsiow kon pinomarentaan i Zedekia. Mosia in noposindog in markas kon ḷuai in kotá, noposindog doman in dinding pongopungan,

DATU MITA 2 25:1 Mawu Ofanana

DATU MITA 2 24:1

Kon bonu in pinomarentaan in Datu Yoyakim, ki Nebukadnezar datu in Babel nonubu bo nopotungkud in Yohuda. Toḷu notaong in koonggotnea ki Yoyakin in sinumungkud kon i Nebukadnezar, táe noiduduimai kon tua nomarontak in sia.

DATU MITA 2 24:10

Kon bonu in pinomarentaan i Yoyakhin, tontara mita inta kon bonu in tongganut in porwira mita in Nebukadnezar, minayá nonubu kon Yerusalem, bo nongopung kon kotá tatua.

DATU MITA 2 25:2

bo tantú nongopung kon kotá tatua noidapot kon taong impuḷú bo mitánea kon pinomarentaan i Zedekia.

DATU MITA 2 25:8

Kon singgai noginpitu buḷan iḻimanea kon bonu in taong impuḷú bosiownea kon pinomarentaan i Nebukadnezar datu in Babel, namangoidon in Yerusalem in intau tobatú inta ki Nebuzaradan in tangoinea. Sia in monononggina bo tongguḷu totokan in tontara i Nebukadnezar.

TAWARIKH 1 6:15

Ki Yozadak naa inta noitakin dinia noyotakin in intau in Yohuda bo intau inta nogutun kon Yerusalem ibanea kon tungkuḷ in ki Tuhan noḷumbú kon i monia kon butá ibanea pinongin i Nebukadnezar.

TAWARIKH 2 36:11

Ki Zedekia in umur 21 notaong kon dodai in sia nobaḻí datu in Yohuda. Sia in nomarenta kon Yerusalem 11 notaong in koonggotnea.

YESAYA 29:3

Ki Allah in monububí kon kotá tatua bo kopungon nongkon bayongan tampat.

YEREMIA 21:2

“Poigumdon kon topotundú kon i Tuhan sin kopontingan naton, sin ki Nebukadnezar datu in Babel takin tontaranea in koyogotdon mongopung kon kotá naton. Dika-dika bo ki Tuhan in mogaidbí kon inta mokoherang kon inaton, bo momakisa kon i Nebukadnezar mopotabá umundok in tontaranea.”

YEREMIA 27:8

Bangusa andeka dodatuan inta doí mokiompu kon i Nebukadnezar in hukumon-Ku pongin parang, gogoy, bo yampoi in takit, modapot in kon imbuitnea bangusa tatua in mokiompubí doman.

YEREMIA 32:1

Kon taong impuḷúnea kon pinomarentaan i Zedekia datu in Yohuda, inta taong impuḷú bo waḷunea kon pinomarentaan i Nebukadnezar datu in Babel, ki Tuhan in nosingog kon inakó.

YEREMIA 32:2

Kon dodai intua tontara i datu in Babel koyogot in nonubu kon Yerusalem. Akuoi in sinahang kon dangkuḷon in komaḻig in datu

YEREMIA 32:24

Intau mita in Babel ain noposindog in dinding mita pongopungan kon ḻibu mita in kotá sin mogagow, bo tanaa mosia in nonubu. Parang, gogoy, bo yampoi in takit in mokopopisí kon kotá tanaa moḷabú kon ḻima monia. Iko in nokoontong kon bayongan inta pinoguman-Mu in noniatadon.

YEREMIA 32:28

Kotá tanaa in pomayá-Kubí mako in kawasaan i Nebukadnezar takin tontaranea mita. Mosia in mogagowbí kon kotá tanaa,

YEREMIA 4:17

bo moḻipung kon Yerusalem ná intau inta moḷukad kon gobá. Tua komintan in nobaḻí popisí in bangusa in Yohuda ain nomarontak kon i Tuhan. Ki Tuhan ain nosingog.

YEREMIA 43:10

Bo pogumandon kon i monia kon Akuoi, ki Tuhan Inta Totok in mokawasa, Allah in Israel, in mopoangoibí in mogogundoi-Ku ki Nebukadnezar datu in Babel, kon tampat tatua. Bo kon tudu in batu mita inta iḷobongmu kon butá tatua, posindogonneabí in tampat pomomarentaannea bo mosongká kon ḷoḷaigan in dodatuannea.

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

YEREMIA 51:34

Yerusalem in irimumud bo kinaan komintan i datu in Babel; inaotannea in kotá tatua naonda bo inta nongaot kon botoḷ. Naonda bo mahaḷuk inta moḷoben totok, iḻiomnea in Yerusalem bo nomonu kon siannea takin bayongan inta mopia nongkon kotá tatua, bodongka noḷumbú kon ki agatnea.

YEREMIA 52:1

Ki Zedekia in umur doyowa nopuḷú bo mita notaong kon dodai in sia nobaḻí datu in Yohuda. Sia in nomarenta kon Yerusalem mopuḷú bo mita notaong in koonggotnea. Ki inánea in ki Hamutal, ki adí i Yeremia nongkon kotá in Libna.

YEREMIA 6:3

mongongawasa mita in mononḷoḷaiganbí kon tua takin tontaranea. Kon ḻibumai in kotá tatua mosia in moposindogbí in ḷoḷaigan mita monia, kon batúannea momiḻí kon tampat inta kinoibognea.

YEHEZKIEL 21:14

Yo, intau ilo-ilow, ponoḻindapdon. Tokapdon in ḻimamu, saḷaku tomponuot kon kedang tatua in momangkoidon moḻimod. Kedang tatua in totokbí in mokoondok.

YEHEZKIEL 26:7

Ki Tuhan Inta Totok in moḷantud in noguman, “Diaan-Kubí in ki Datu Nebukadnezar nongkon Babel sin monubu kon inimu, ei Tirus. Datu inta totok in moropot tatua in mamangoi nongkon utuan takin tontara mobarong, takin kabaḷo mobayong bo kereta mita in parang bo tontara tumotakoi kon kabaḷo.

YEHEZKIEL 40:1

Kon singgai impuḷúnea kon buḷan imitánea, kon taong indoyowa nopuḷú bo ḻima kon pinoḷumbúan kon inami, mopuḷú bo opat notaong naonda in Yerusalem sinaḷow, kawasa i Tuhan in nongawasa kon inakó, bo dinia-Nea in akuoi minayá.

ZAKHARIA 8:19

“Puasa inta pinobayá kon buḷan noginggopat, noginḻima, noginpitu, bo nogimpuḷú in mobaḻíbí poramean mita inta mokoḷunganga bo mokosanang kon intau in Yohuda. Kotá bidon in inta moitutui bo inta modame!”

ULANGAN 28:52

Mosia in monububí kon bayongan kotá kon butá inta inogoi i Tuhan Allahmu kon inimu dá dindingnea mita inta moḷantud bo kinoropot inta binaḻí monimu ḷamboi tua in mouuibi.