DATU MITA 2 24:20 - Alkitab Singog In Mongondow Masa In Tanaa

²⁰ Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

DATU MITA 2 24:20 Mawu Ofanana

KINOBAḺIAN 4:16

Bo minayádon in ki Kain nongkon tayowon i Tuhan bo nogutun kon butá inta tangoinea “Pinoḷaḻean” kon dotá in pomukaan nongkon Eden.

DATU MITA 2 22:17

Mosia in nonaḷámaidon kon i-Nakó bo noposumba in kuruban kon ilah mita ibanea. Bayongan inta inaidan monia tua in nokopomukádon kon torú-Ku. Akuoi in sinumorú kon Yerusalem, bo torú-Ku in diábí motaau poonowon.

DATU MITA 2 23:26

Táe oaid i Datu Manasye ain nokopomuká kon torú i Tuhan kon Yohuda; bo torú-Nea tatua in diápabí noinggamá.

DATU MITA 2 24:1

Kon bonu in pinomarentaan in Datu Yoyakim, ki Nebukadnezar datu in Babel nonubu bo nopotungkud in Yohuda. Toḷu notaong in koonggotnea ki Yoyakin in sinumungkud kon i Nebukadnezar, táe noiduduimai kon tua nomarontak in sia.

DATU MITA 2 24:3

Totuubí kon tua in mustibí mobaḻí, sin ki Tuhan in nogumandon kon bangusa in Yohuda in ḷumbúonbí nongkon butá inta inogoi i Tuhan kon i monia. Mosia in iḷumbú sin popisí in bayongan dosa inta inaidan i Datu Manasye;

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

MAZMUR 51:11

Dikapa bobuion in dosaku mita, bo popataidon in bayongan in taḷáku.

YEREMIA 37:2

Táe pinomayá ki Zedekia andeka pojabatnea mita bo rayatnea doíbí dinumudui kon koyow i Tuhan inta inogoi-Nea pinongin inakó.

YEREMIA 52:3

Ki Tuhan in sinumorú totok kon intau inta nogutun kon Yerusalem bo intau in Yohuda, dá inuntun-Nea in mosia bo diádon noḷukad kon i monia. Ki Zedekia in nomarontak kon i Nebukadnezar datu in Babel,

YEHEZKIEL 17:12

“Ḻibódon kon momomarontak mita tatua, mongo komangaḻean monia in mangaḻe in poumpamaan tatua. Potaaudon kon i monia kon ki datu in Babel ain namangoi kon Yerusalem, bo nogakut kon i datu in Yohuda takin intau mita moḷoben in kotá tatua bo pinobayá in Babel.

YEHEZKIEL 19:14

Pangkoi in anggur tua iḻeḻep in tuḷú; tanga bo bungainea nodait kinaan in tuḷú. Diádon in ropot in tanganea nointok; diádon motaau pomiaan tungkud in dodatuan. Tuata in oamui inta bui-buionmai in umat podondong.

KORINTUS 1 1:20

Dá aka natua yo diá bidon in baraguna monia? Intau mita inta mongopandoi bo intau mita inta nonotaau kon bayongan in yagi-yagi? Sin pinoniatadon i Allah kon kapandoian intau kon dunia naa diábí in baragunanea!

ULANGAN 2:30

Tongá diábí inogoi i datu in Sihon in kita nongin butánea. Pinotontogat i Tuhan Allahmu in ginanea sin makusud-Nea bá taḷowon naton in sia. Dá butánea tatua umuranpa doman iḻitúan naton dapot in tanaa mako.

ULANGAN 29:27

Tuamai ki Tuhan sinumorú kon umat-Nea bo nopoangoi kon butá monia in bayongan bodito inta pinais kon bonu in buk tanaa.

ULANGAN 4:24

sin ki Tuhan Allahmu naonda bo tuḷú inta mokopokak. Sia in doíbí potongkaion in onukadon.