DATU MITA 2 23:5 - Alkitab Singog In Mongondow Masa In Tanaa

⁵ Pinopogogaineadon in imang mita inta ain dinuí i datu mita in Yohuda sin mopobayá in oaidan kon tampat pososumbaan kon dewa kon kotá mita in Yohuda bo kon diugmai in Yerusalem; bo imang mita doman inta noposumba in kuruban kon i Baal, mata in singgai, buḷan, pakakat mita in ḷangit bo tundi mita.

DATU MITA 2 23:5 Mawu Ofanana

DATU MITA 2 21:5

Kon bosimai in Baḷoi Tuhan posiḷosi tua pinoposindoganneadon in mezbah mita sin posumbaan kon tundi mita.

TAWARIKH 2 33:3

Tampat mita pososumbaan kon berhala inta ain irumbun i Hizkia, ki amánea, pinosindognea bui. Sia in noposindog in mezbah mita sin poibadaan kon i Baal, bo nogaid in sia kon patong mita i Dewi Asyera, bo poḷat nosumba kon tundi mita.

TAWARIKH 2 34:4

Patong mita bo berhala mita tatua in irimumud in intau mita i Yosia bo rimumudnea in pinonabudnea kon tudu in pinoḷobongan kon intau mita inta noposumba in kuruban kon berhala mita tatua. Mezbah mita i Baal bo mezbah mita in dupa inta kon tua in inumpag monia.

AYUB 38:32

Degá motaau in iko mokapit kon tundi mita pomuḷoi in semponea, bo tundi Biduk moḷoben bo mointok, tantúonmu in daḷannea?

YEHEZKIEL 8:6

Ki Allah in noguman kon inakó, “Ei intau inta ilo-ilow, inontongmu onu in yogot nobaḻí? Taridiai in aid mita inta mokorongó inta inaidan in intau in Israel, inta nokopopisí kon Akuoi noiyayú kon Baḷoi-Ku! Igai, bain poontong-Ku kon inimu in inta moiḻiu in mokorongó.”

HOSEA 10:5

Intau inta nogutun kon kotá in Samaria in moondok; mosia bo imang mita inta mogundoi kon sapi buḷawan kon Betel tua in moajarbí in gina bo mongombaḷ popisí in bayongan inta kogaga in berhala monia tatua in noinggamádon.

ZEPANYA 1:4

Hukumon-Kubí in intau in Yerusalem bo bayongan in Yohuda. Kiagat mita in pinosumbaan kon Baal in inggamáan-Kubí nongkon tua. Imang mita inta nogundoi kon Baal in ḻiongon bidon totok.