DATU MITA 2 23:26 - Alkitab Singog In Mongondow Masa In Tanaa

²⁶ Táe oaid i Datu Manasye ain nokopomuká kon torú i Tuhan kon Yohuda; bo torú-Nea tatua in diápabí noinggamá.

DATU MITA 2 23:26 Mawu Ofanana

DATU MITA 2 22:13

“Bayádon poḻibó kon i Tuhan sin kopontinganku bo kopontingan in bayongan in rayat in Yohuda soaḷ tombonu in buk tanaa. Ki Tuhan in sinumorú kon i naton sin mogoguyang naton in diá nopobayá in parenta mita inta pinais kon bonunea.”

DATU MITA 2 24:2

Ki Tuhan in nopotabá in banselang mita inta nomaké in touḷut in parang nongkon bangusa in Babel, Siria, Moab, bo Amon sin monayow kon i Yoyakin bo moyopú kon Yohuda, podudui kon onu inta ain pinoguman-Nea pinongin in nabi mita mogogundoi-Nea.

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

DATU MITA 2 24:3

Totuubí kon tua in mustibí mobaḻí, sin ki Tuhan in nogumandon kon bangusa in Yohuda in ḷumbúonbí nongkon butá inta inogoi i Tuhan kon i monia. Mosia in iḷumbú sin popisí in bayongan dosa inta inaidan i Datu Manasye;

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

TAWARIKH 2 35:20

Naonda in ki Datu Yosia nogaid kon bayongan intua sin kopontingan in Baḷoi Tuhan; ki Nekho datu in Mesir nonongganut kon tontaranea sin moparang kon Karkemis kon diug in Ongkag in Eprat. Ki Yosia in noḷongasidon nogimaḷow kon inia,

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

EZRA 10:14

Ogoidon in itoi nami in mogutun kon Yerusalem bo mogimpaḷut kon soaḷ tatua. Bo kon batúan in intau kon kotá mita nami, inta kobuḷoi nongkon bobay in bangusa ibanea, in mustibí mamangoi podudui in wakutu inta ain sinantú, moyotakin in itoi mita bo hakim mita in kotánea-kotánea. Tua in aidan sinbá ki Tuhan Allah in diádon tumorú bui kon i naton popisí in pelekara tatua.”

YEREMIA 23:20

Torú-Nea in diábí mooyong aka diápa mobaḻí in inta sinomayá-Nea motuoi. Kon singgai moiduduimai umat i Tuhan in momangaḻebí totok kon tua.”