DATU MITA 2 23:13 - Alkitab Singog In Mongondow Masa In Tanaa

¹³ Ná doman tua in mezbah mita kon dotá in pomukaan kon Yerusalem kon dotá in toḷatan Buḷud in Koraatan pinonajis. Mezbah mita tatua in pinosindog i Datu Salomo sin posumbaan kon dewa mita inta mokorongó – inta ki Asytoret dewi in bangusa in Sidon, Kamos dewa in bangusa in Moab, bo Milkom dewa in bangusa Amon.

DATU MITA 2 23:13 Mawu Ofanana

DATU MITA IMITÁNEA 11:33

Aidan-Kubí intua sin ki Salomo in nonaḷámaidon kon i-Nakó bo nosumbadon kon dewa mita, inta ki Asytoret, dewi in bangusa in Sidon, Kamos, dewa in bangusa in Moab; bo Milkom, dewa in bangusa in Amon. Ki Salomo in diá dinumudui kon ibog-Ku. Diá notongkai in sia i amánea ki Daud inta motoindudui kon i-Nakó bo nogaid kon parenta-Ku mita.

DATU MITA IMITÁNEA 11:5

Ki Salomo in nosumba kon i Asytoret, dewi in bangusa in Sidon, bo kon i Molokh dewa inta mokorongó inta sinumba in bangusa in Amon.

DATU MITA IMITÁNEA 11:7

Kon tudu in buḷud kon dotá in pomukaan kon Yerusalem, noposindog in sia in tampat posumbaan kon i Kamos, dewa in intau Moab, bo kon i Molokh, dewa in intau Amon – doyowa tatua tumpaḷa dewa inta mokorongó.

NEHEMIA 13:26

Gumanku, “Diábí degá kinotaauan monimu kon dosabí doman tanaa inta inaidan i Datu Salomo? Diábí in datu in kon dunia naa inta moiḻiu kon inia. Ki Allah in notabi kon inia bo binaḻí in sia datu kon sinangkup in Israel. Umpaka natua táe sia in dinondouḷugandon in bobay mita in bangusa ibanea sin mogaid kon dosa.

YESAYA 44:19

Mogogaid kon patong tatua in diábí norai, “Kayu tatua topongkó in sinubáku, bo buingnea in pinakéku pinotubáan kon roti bo pinoangagan kon ponoyá sin kaanonku. Bo kiagat in kayu tatua in inaidanku patong. Dá tanaa akuoi in nosumbabí kon kayu topongkó!”

YEREMIA 11:13

Ilah mita in intau in Yohuda nobayong totok, ná kobayong in kotá mita monia. Intau in Yerusalem noposindog in mezbah mita ná kobayong in daḷan mita kon kotá in Yerusalem sin moposumba in kuruban kon Dewa Baal.

YEREMIA 48:13

Moab in mokudaibí kon Kamos, dewa monia, naonda bo intau in Israel nokudai in gina monia kon Betel inta pinongata monia tua.

YEREMIA 48:16

Bodito kon Moab in kon tayowondon in ngara, diádon moonggot bo morimumud in sia.

YEREMIA 48:7

Moab! Iko in mopongata in kodoḻikot bo kaoyúonanmu. Táe tanaa iko tontaní in taḷowonbí. Kamos, dewamu, takin imang mita bo pojabatnea mita in akutonbí pobayá in poḷumbúan.

ZEPANYA 1:5

Daiton-Kubí kaitan in ki inekabí in moponik kon atop sin mosumba kon mata in singgai, buḷan bo tundi mita. Yompaton-Kubí doman mosia inta nosumba kon i-Nakó bo inta nongibot motoindudui kon i-Nakó, táe nongibot doman pinodoyon kon tangoi i Dewa Milkom.

PINOGIAPAN 21:29

Ei bangusa in Moab, mobodito in iko! Mososumba kon Kamos, moyopú in iko! Iko pinomayá mako i dewamu nobaḻí ḷagu-ḷagui, intaumu mita bobay nobaḻí intau inta dinakop i datu in Amori.

HAKIM MITA 10:6

Umat in Israel buidon nomia kon dosa kon i Tuhan. Mosia in diádon noindoimai kon i Tuhan bo doí domandon nosumba kon i Tuhan. Mosia in nosumbadon kon dewa mita i Baal bo Asytoret, bo dewa doman in bangusa in Siria, Sidon, Moab, Amon bo Pilistin.

HAKIM MITA 11:24

Bo degá iko in tanaa moibogdon bui mogamá? Butá inta inogoi i Kamos, dewamu tua, kon inimu in motaaubí umuran mobaḻí kapunyaan monimu. Tongá onu inta ain inogoi i Tuhan, Allah nami kon i nami, in umuranbí tahangon nami.

SAMUEL 1 12:10

Onda intua mosia nosambayang kon i Tuhan nongaku kon dosa monia; guman monia, ‘Kami aindon binaradosa sin nonoḻikudon kon ini-Mu, oo Tuhan, bo nosumba kon patong mita i Dewa Baal bo i Asytoret. Táe, tanaa in posaḷamatdon in kami nongkon musung nami, dá kami in mogundoidon kon ini-Mu!’

SAMUEL 1 7:4

Dá intau in Israel noḷumbúdon kon bayongan in patong i Dewa Baal bo patong i Dewi Asytoret, bo tongádon nogundoi kon i Tuhan.